ඇමරිකානු ජනාධිපති ඩොනල්ඩ් ට්රම්ප් විසින් දින 90ක කාලයක් තුළ මෙට්රික් ටොන් 300,000ක් දක්වා වූ ගවමස් ප්රමාණයක් තීරුබදු වලින් තොරව ආනයනය කිරීමට සැලසුම් කර ඇති බව නිවේදනය කිරීමත් සමඟ ඔක්ලහෝමා ගොවි සංවිධානයේ (OKFB) සභාපති ස්ටේසි සිමුනෙක් (Stacy Simunek) දැඩි අප්රසාදය පළ කර තිබේ.
විදේශීය ගවමස් වෙළඳපොළට මුදා හැරීම මඟින් දේශීය ගොවීන් දැඩි අර්බුදයකට මුහුණපාන බවත්, දැඩි නියඟය සහ ඉහළ යන නිෂ්පාදන පිරිවැය හමුවේ අසීරුතාවට පත්ව සිටින ඇමරිකානු ගව පාලකයන්ගේ පැවැත්මට එය තර්ජනයක් වන බවත් ඇය පෙන්වා දී ඇත. කෙටිකාලීන මිල සහන පසුපස හඹා යෑමෙන් දේශීය ආහාර සැපයුමේ දිගුකාලීන ස්ථාවරත්වය අනතුරේ හෙළා නොගත යුතු බව ඇය වැඩිදුරටත් අවධාරණය කර සිටී.
