ගාසා තීරයේ පවතින යුද තත්ත්වය හේතුවෙන් අවතැන් වූ පලස්තීන වැසියන්ට මූලික පහසුකම් පවා අහිමි වී ඇති අතර, ඉන් පවුල් මුහුණ දෙන දැඩි දුෂ්කරතා අතරට ප්රාථමික තත්ත්වයේ වැසිකිළි භාවිත කිරීමට සිදුවීම ද එක්ව තිබේ.
ඔක්තෝබර් 2023 සිට ආරම්භ වූ යුද්ධය නිසා අවස්ථා කිහිපයකදීම අවතැන් වී ඩීර් අල්-බලාහ් හි කඳවුරක කූඩාරමක වාසය කිරීමට සිදුව ඇති 33 හැවිරිදි ඉමාන් මහ්මූද් ෂාමියා සහ ඇයගේ පවුලේ අයට ද මෙම අර්බුදයට මුහුණ දීමට සිදුව ඇත. ප්රජාව එකතු වී භූගත ජලාපවහන වළවල් කණිනු ලබන සේවකයෙකුගේ සහාය ඇතිව “මුන්සිපල් වැසිකිළියක්” ඉදිකර ගෙන තිබුණද, එය කිසිදු පෞද්ගලිකත්වයක් නොමැති, රෙදි කඩකින් දොර සකස් කළ ‘ශිලා යුගයේ’ වැසිකිළියක් වැනි බව ඇය පවසයි.
විශේෂයෙන්ම කාන්තාවන්ට, දරුවන්ට සහ උසස් මට්ටමේ පෙනහළු පිළිකාවකින් පෙළෙන ඇයගේ 50 හැවිරිදි සැමියාට මෙම තාවකාලික වැසිකිළිය භාවිත කිරීම අතිශය දුෂ්කර හා වේදනාකාරී අත්දැකීමක් වී ඇති බව ඇය අල් ජසීරා පුවත් සේවයට පවසා තිබේ.
