ඉන්දියාවේ ත්රිපුර ප්රාන්තයේ අගනුවර වන අගර්තලා හි හාව්රා නදිය (Haora River) අනතුරු ඇඟවීමේ මට්ටම ඉක්මවා යාම හේතුවෙන් පහත්බිම් ප්රදේශ රැසක් ජලයෙන් යට වී තිබේ.
පසුගිය සෙනසුරාදා රාත්රියේ ඇති වූ අධික වර්ෂාපතනයත් සමඟ අගර්තලාහි චන්ද්රපූර්-බල්දාකාල් (Chandrapur-Baldakhal) ප්රදේශවල නිවාස තුළට ගංවතුර ජලය ගලා ඒම නිසා නිවැසියන්ට සිය අත්යවශ්ය ද්රව්යද රැගෙන ඉවත් වීමට සිදුව ඇත. අවතැන් වූ පිරිස් අතර කුඩා දරුවන් මෙන්ම රෝගීන් ද වන අතර, ඔවුන් සඳහා සහන මධ්යස්ථාන හතරක් විවෘත කර තිබේ.
ආපදා කළමනාකරණ කණ්ඩායම්, සිවිල් ආරක්ෂක භටයින් සහ ප්රාන්ත ආපදා ප්රතිචාර බලකාය (SDRF) එක්ව ගලවා ගැනීමේ මෙහෙයුම් අඛණ්ඩව සිදුකරන අතර, ජල මට්ටම පහත වැටෙන තෙක් පරිපාලනය දැඩි සෝදිසියෙන් පසුවන බව බලධාරීන් පවසයි.
