පොලොන්නරුව දිස්ත්රික්කයේ පවතින දැඩි වියළි කාලගුණ තත්ත්වය හේතුවෙන් පීඩාවට පත්ව ඇති දිඹුලාගල සහ මැදිරිගිරිය ප්රාදේශීය ලේකම් කොට්ඨාසවල පවුල් 600කට අධික සංඛ්යාවකට ජල බවුසර් මඟින් පානීය ජලය ලබා දීමේ වැඩපිළිවෙළක් ක්රියාත්මක කර තිබේ.
පොලොන්නරුව දිස්ත්රික් ලේකම් සුජන්ත ඒකනායක මහතා සඳහන් කළේ මාදුරුඔය ජලාශය සහ කවුඩුලු වැව ඇතුළු ප්රධාන ජලාශවල ජල මට්ටම් ශීඝ්රයෙන් පහළ යෑම සහ අහස් දියෙන් පිරුණු කුඩා වැව් 200ක් පමණ සම්පූර්ණයෙන්ම සිඳී යාම නිසා මෙම පියවර ගත් බවයි. ගෘහස්ථ ජල අවශ්යතා මෙන්ම වන සතුන් හා ගෘහාශ්රිත සතුන් සඳහා ජලය සැපයීමට ද පියවර ගෙන ඇති අතර, ප්රධාන වැව්වල ජලය ආරක්ෂා කර ගැනීම සඳහා සියලු ප්රධාන වැව්වලින් වී වගාව සඳහා ජලය නිකුත් කිරීම ඊයේ (25) සිට සම්පූර්ණයෙන්ම නතර කර ඇත.
