සෞදි අරාබිය සමඟ ඇති කරගත් සිවිල් න්යෂ්ටික බලශක්ති ගිවිසුම ඇමරිකානු ජනාධිපති ඩොනල්ඩ් ට්රම්ප් විසින් අනුමැතිය සඳහා ඇමරිකානු කොංග්රස් මණ්ඩලය වෙත යොමු කර ඇති අතර, සෞදි අරාබිය විසින් ඉශ්රායලය සමඟ රාජ්යතාන්ත්රික සබඳතා යථා තත්ත්වයට පත් කරන්නේ නම් පමණක් මෙම ගිවිසුම ක්රියාත්මක වන බවට කොන්දේසියක් පනවා ඇති බව Reuters පුවත් සේවය වාර්තා කරයි.
පසුගිය ජූලි මාසයේදී එකඟතාවකට පැමිණි මෙම වසර 30 ක න්යෂ්ටික ගිවිසුම මගින් ඇමරිකානු සමාගම්වලට සෞදි අරාබිය තුළ ඩොලර් බිලියන ගණනක වටිනාකමකින් යුත් AP1000 න්යෂ්ටික ප්රතික්රියාකාරක ඉදිකිරීමේ සහ සිවිල් න්යෂ්ටික තාක්ෂණය අපනයනය කිරීමේ අවස්ථාව හිමිවෙයි.
කෙසේ වෙතත්, පලස්තීන රාජ්යයක් පිහිටුවීම සඳහා නිශ්චිත හා ස්ථිර වැඩපිළිවෙළක් සකස් වන තෙක් ඉශ්රායලය රාජ්යයක් ලෙස පිළිගැනීමට සෞදි අරාබිය මෙතෙක් අනුමැතිය දී නොමැති පසුබිමක, කොංග්රස් මණ්ඩලයට විමර්ශනය සඳහා දින 90 ක කාලයක් හිමිවන මෙම ගිවිසුමේ අනාගතය පිළිබඳව ජාත්යන්තර දේශපාලන සමාජය තුළ දැඩි අවධානයක් යොමුවී තිබේ.
