මැතිවරණ ක්රමයේ ප්රතිසංස්කරණ සමාලෝචනය කර නිර්දේශ ඉදිරිපත් කිරීම සඳහා පත් කරන ලද විශේෂඥ මණ්ඩලයට සිය කටයුතු අවසන් කිරීම සඳහා මාස දෙකක කාලයක් ලබා දී ඇති බව පාර්ලිමේන්තුවේ සන්නිවේදන දෙපාර්තමේන්තුව පවසයි. පළාත් සභා මැතිවරණ හැර අනෙකුත් මැතිවරණ නීති සමාලෝචනය කිරීම සහ ප්රතිසංස්කරණ යෝජනා කිරීම මෙම මණ්ඩලයට පැවරී ඇති ප්රධාන කාර්යය වේ.
මහජන පරිපාලන, පළාත් සභා හා පළාත් පාලන අමාත්ය සහ අදාළ පාර්ලිමේන්තු විශේෂ කාරක සභාවේ සභාපති මහාචාර්ය ඒ.එච්.එම්.එච්. අබේරත්න මහතාගේ ප්රධානත්වයෙන් පාර්ලිමේන්තුවේදී විශේෂ රැස්වීමක් පවත්වන ලදී. මෙහිදී විශේෂඥ මණ්ඩලයේ කාර්යභාරය, සමාලෝචනය කළ යුතු ප්රධාන ක්ෂේත්ර සහ මීළඟ පියවර පිළිබඳව සාකච්ඡා කර ඇත. මහජනතාව සහ විවිධ සංවිධාන විසින් ඉදිරිපත් කර ඇති යෝජනා 31 ක් මෙම මණ්ඩලය විසින් පරීක්ෂා කරනු ලබන අතර, විශ්වවිද්යාල සහ පර්යේෂණ ආයතන විසින් සිදු කරන ලද පර්යේෂණ ද මීට අදාළව සලකා බැලේ.
පවතින මැතිවරණ ක්රමයේ පවතින අඩුපාඩු පරීක්ෂා කර නව මැතිවරණ ක්රමයක් සහ මැතිවරණ සංස්කෘතියක් සඳහා අවශ්ය නිර්දේශ ඉදිරිපත් කිරීම මෙහි පුළුල් අරමුණ වී ඇත.
