චීනයේ ජියැංසු ප්රාන්තයේ සුකියෑන් හි දුප්පත් පවුලක ඉපදී, තරුණ කාලයේ දැඩි දුෂ්කරතා මැද ජීවිතයට මුහුණ දුන් චෙන් සි (Chen Shi), ලෝකයේ වැඩිම පිරිසක් දිවි නසාගන්නා ස්ථානයක් ලෙස සැලකෙන කුප්රකට නන්ජිං යැංසි නදී පාලම මත අසිරිමත් මෙහෙවරක නිරත වූ මිනිසෙකි.
2003 දෙසැම්බර් 19 වන දින සිට සෑම සති අන්තයකම පාහේ මෙම පාලම මත මුර සංචාරයේ යෙදෙන ඔහු, දැඩි මානසික පීඩනයකින් පාලම මත තනිව ඇවිදින පුද්ගලයන් තමාටම ආවේණික වූ හැකියාවෙන් හඳුනාගෙන ඔවුන් සමඟ කතාබහ කර ජීවිත බේරා ගැනීමට කටයුතු කරයි. සමහර අවස්ථාවල පාලමෙන් පනින්න උත්සාහ කළ අයව තම අත්වලින්ම අල්ලා ඇදගෙන ජීවිතයත් මරණයත් අතර සටනින් ඔවුන්ව මුදාගත් අවස්ථාද අනන්තවත්ය.
වසර 21ක් පුරා මෙලෙස මිනිසුන් 469 දෙනෙකුගේ ජීවිත බේරා ගැනීමට ඔහු සමත් වී ඇත. එහෙත්, මෙම දැවැන්ත මානසික බර නිසා තමාට බේරා ගැනීමට නොහැකි වූ අහිමිවීම්වල වේදනාව සහ මතකයන් ඔහුගේ මානසික සෞඛ්යයටද දැඩි බලපෑමක් එල්ල කර තිබේ.
