ශ්රී ලංකාවේ ප්රමුඛ පෙළේ ප්රවාහන විසඳුම් සම්පාදකයා වන ටොයොටා ලංකා සමාගම, සිය ප්රාදේශීය සේවා ජාලය තවදුරටත් ශක්තිමත් කරමින් කුරුණෑගල ප්රදේශයේ නවීන අංගසම්පූර්ණ Body & Paint මධ්යස්ථානයක් විවෘත කිරීම සහ නව සේවා පහසුකම් මධ්යස්ථානයක් සඳහා මුල්ගල් තැබීම සිදු කර ඇත. 2008 වසරේ සිට ඇතුගල්පුර කේන්ද්ර කරගනිමින් ක්රියාත්මක වන මෙම ශාඛාව පුළුල් කිරීම හරහා, ප්රදේශයේ පාරිභෝගිකයන්ට ජාත්යන්තර ප්රමිතියෙන් යුත් වෘත්තීයමය රථවාහන අලුත්වැඩියා සහ නඩත්තු සේවාවන් වෙත බාධාවකින් තොරව ප්රවේශ වීමේ අවස්ථාව උදා වී තිබේ.
2026 වසර අවසන් වන විට දිවයින පුරා සේවා මධ්යස්ථාන 30 ක් පිහිටුවීමේ සමාගමේ ජාතික ඉලක්කය සපුරා ගැනීම සඳහා මෙම ව්යාපෘතිය ප්රබල පිටුබලයක් සපයන අතර, එය ප්රාදේශීය මට්ටමේ පාරිභෝගිකයන් වෙත ඉහළම මට්ටමේ අලෙවියෙන් පසු සේවා සහය සහ විශ්වාසනීය විසඳුම් සමීප කිරීමට ගත් තීරණාත්මක පියවරකි. සමාගමේ සභාපති Masaaki Kawabata සහ කළමනාකාර අධ්යක්ෂ මනෝහර අතුකෝරල යන මහත්වරුන්ගේ ප්රධානත්වයෙන් යුත් උසස් කළමනාකාරීත්වයේ සහභාගීත්වයෙන් ඇරඹුණු මෙම මෙහෙයුම් හරහා, ‘Toyota LIFE’ දර්ශනයේ මූලධර්ම තවදුරටත් තහවුරු වෙමින් ලාංකීය රථවාහන ක්ෂේත්රයේ ගුණාත්මකභාවය අභිභවා යන නව ප්රමිතියක් නිර්මාණය කරයි.
ඉදිරියේදී ක්රියාත්මක වීමට නියමිත නව සේවා පහසුකම් මධ්යස්ථානය සමඟින් කුරුණෑගල සහ අවට ප්රදේශවල රථවාහන හිමියන්ට වඩාත් පුළුල් හා කාර්යක්ෂම සේවා අත්දැකීමක් හිමිවන අතර, එය සමාගමේ මූල්යමය දායකත්වයෙන් ඔබ්බට ගොස් ප්රාදේශීය ආර්ථිකයට සහ පාරිභෝගික විශ්වාසයට දීර්ඝකාලීන බලපෑමක් එල්ල කරනු ඇත. රුපියල් බිලියන ගණනක අමතර කොටස් බෙදාහැරීමේ ජාලය සහ මිලියන තුනකට අධික සාර්ථක නඩත්තු වාර ප්රමාණයක අත්දැකීම මත පදනම් වන මෙම පුළුල්වීම, අනාගතයේදී ශ්රී ලංකාවේ මෝටර් රථ නඩත්තු ක්ෂේත්රයේ නව සන්ධිස්ථාන සනිටුහන් කරමින් ජාතික ප්රවාහන අංශයේ සංවර්ධනයට අඛණ්ඩව දායක වනු ඇත.
