අමෙරිකාවේ මැදිහත්වීමෙන් ඇතිකරගත් ‘වෙඩි නැවැත්වීමේ’ එකඟතාව පැවැතියද, ඊශ්රායලය විසින් ගාසා තීරය වෙත එල්ල කරන ප්රහාර තවදුරටත් දැඩි කර තිබේ. ඒ අනුව එල්ල වූ නවතම ගුවන් ප්රහාරවලින් අවතැන් වූවන් රැඳී සිටි ප්රදේශවල පස්දෙනෙකු ජීවිතක්ෂයට පත්ව ඇත.
ගාසා නගරයේ මහජන උද්යානයක් අසලට එල්ල වූ ප්රහාරයකින් පුද්ගලයින් දෙදෙනෙකු මියගිය අතර, තවත් පිරිසක් තුවාල ලබා තිබේ. මීට අමතරව තල් අල්-හවා (Tal al-Hawa) ප්රදේශයේ ගමන් ගත් වාහනයකට එල්ල වූ ගුවන් ප්රහාරයකින් තවත් තිදෙනෙකු ජීවිතක්ෂයට පත්ව ඇත. ප්රහාරවලින් මියගිය පිරිස හමාස් සංවිධානයේ සටන්කාමීන් බව ඊශ්රායල හමුදාව ප්රකාශ කළද ඊට කිසිදු සාක්ෂියක් ඉදිරිපත් කර නොමැත. පසුගිය ඔක්තෝබර් මාසයේ සිට ප්රකාශයට පත් කළ ‘වෙඩි නැවැත්වීමේ’ කාලසීමාව තුළදී පමණක් ඊශ්රායල ප්රහාර හමුවේ ගාසාහි පලස්තීන ජාතිකයින් 1,313 දෙනෙකු ජීවිතක්ෂයට පත්ව ඇති බව සෞඛ්ය අමාත්යාංශය තහවුරු කරයි.
තොරතුරු උපුටා ගැනීම: al jazeera ඇසුරින්
