ඩිමොක්රටික් කොංගෝ ජනරජයේ (DRC) ඉතිහාසයේ විශාලතම සහ වේගවත්ම ඉබෝලා වසංගතය ලෙස සලකුණු වෙමින්, තහවුරු කළ ආසාදිතයින් සංඛ්යාව 6,041 දක්වා ඉහළ ගොස් ඇති අතර මරණ 2,911ක් වාර්තා වී තිබේ. මෙය 2018-2020 සමයේ පැවැති වසංගතය ද අභිබවා ගිය තත්ත්වයකි.
මෙම වසංගතයේ වඩාත්ම භයානක කරුණ වන්නේ එය ‘බුන්ඩිබුගියෝ’ (Bundibugyo) නමැති ඉතා දුර්ලභ ඉබෝලා වෛරස් ප්රභේදය මඟින් ව්යාප්ත වීමයි. මීට පෙර පැවැති ‘සෙයාර්’ (Zaire) ප්රභේදය සඳහා එන්නත් සහ ඖෂධ පැවැතිය ද, බුන්ඩිබුගියෝ ප්රභේදය සඳහා නිල වශයෙන් අනුමත වූ එන්නතක් හෝ ප්රතිකාරයක් නොමැත. මේ හේතුවෙන් සෞඛ්ය බලධාරීන් පෙර පැවැති වෙනත් ඉබෝලා එන්නතක් භාවිත කරමින් අර්බුදය පාලනය කිරීමට උත්සාහ කරයි. නැගෙනහිර කොංගෝවේ පවතින සන්නද්ධ කල්ලිවල ප්රහාර, සිවිල් අස්ථාවරත්වය සහ අධික ජනගහනය සහිත සරණාගත කඳවුරු හේතුවෙන් රෝගය වේගයෙන් ව්යාප්ත වන අතර, පැරණි මෙවලම් මඟින් නව වෛරස් ප්රභේදය පාලනය කිරීමට නොහැකි වීම ගෝලීය සෞඛ්ය අංශ හමුවේ පවතින දැවැන්තම තර්ජනය වී ඇත.
තොරතුරු උපුටා ගැනීම: Reuters ඇසුරින්
