කොළඹ වරාය නගරය (Colombo Port City) තුළ ක්රියාත්මක වන තොරතුරු තාක්ෂණය, උපදේශන සේවා, ව්යාපාරික ක්රියාවලි බාහිරකරණය (BPO), සැපයුම් සේවා (Logistics), යටිතල පහසුකම්, සංයුක්ත ව්යාපාරික ආකෘති ඇතුළු ක්ෂේත්ර නියෝජනය කරන ආයතන 68ක් “මූලෝපායික වැදගත්කමකින් යුත් ද්විතීයික ව්යාපාර” (Secondary Businesses of Strategic Importance) ලෙස නම් කරමින් අදාළ නියාමන රීති පාර්ලිමේන්තුවට ඉදිරිපත් කිරීමට අමාත්ය මණ්ඩල අනුමැතිය හිමිව තිබේ.
2021 අංක 11 දරන කොළඹ වරාය නගර ආර්ථික කොමිෂන් සභා පනතේ ප්රතිපාදනවලට අනුව, 2026 මාර්තු 30 වන දින පැවැති අමාත්ය මණ්ඩල රැස්වීමේදී මෙම ආයතන 68 විශේෂ මූලෝපායික ව්යාපාර ලෙස නම් කිරීමට අනුමැතිය ලබාදී තිබිණි. පසුව 2026 අප්රේල් 10 වන දින නිකුත් කළ අතිවිශේෂ ගැසට් පත්රය මගින් අදාළ නියෝග ප්රකාශයට පත් කරන ලද අතර, මුදල්, ක්රමසම්පාදන සහ ආර්ථික සංවර්ධන අමාත්යවරයා ලෙස ජනාධිපතිවරයා ඉදිරිපත් කළ යෝජනාවකට අනුව එම නියාමනයන් පාර්ලිමේන්තු අනුමැතිය සඳහා ඉදිරිපත් කිරීමට නියමිතය.
