තමන් වෙත එල්ල වන ප්රහාරයන්ට එකට එක කරන බවට ඇමෙරිකානු ජනාධිපති ඩොනල්ඩ් ට්රම්ප් තර්ජනය කර තිබියදීත්, ඉරානය සහ ඇමෙරිකාව අතර අත්සන් තැබූ ජූනි අතුරු එකඟතාවයට (June interim deal) ඇමෙරිකාව ගරු කරන්නේ නම් තමන් ද ඊට කැපවන බව ඉරානය ප්රකාශ කර තිබේ.
ශැංහයි සහයෝගිතා සංවිධාන (SCO) සමුළුවට එක්වෙමින් ඉරාන ජනාධිපති මසූඩ් පෙසෙෂ්කියෑන් (Masoud Pezeshkian) සඳහන් කළේ, ඇමෙරිකාව ගිවිසුමේ කොන්දේසි ඉටු කරන්නේ නම් ඉරානය ද වහාම නම්යශීලී වන බවයි. ඇමෙරිකාව විසින් ලාරක් දූපතට (Larak Island) ප්රහාර එල්ල කිරීමෙන් පසු ඉරානය විසින් ජෝර්දානයේ පිහිටි ඇමෙරිකානු ගුවන් හමුදා කඳවුරු දෙකකට මිසයිල ප්රහාර එල්ල කිරීමත් සමඟ දෙරට අතර යුදමය උණුසුම නැවතත් ඉහළ ගොස් ඇත. මේ අතර, හෝමුස් සමුද්ර සන්ධිය නැවත විවෘත කිරීම සම්බන්ධයෙන් වූ සාකච්ඡා අඩපණ වී ඇති අතර, සෞදි තෙල් නැව් දෙකකට ප්රහාර එල්ල වීමත් සමඟ ජාත්යන්තර බොරතෙල් මිල 1.3%කින් ඉහළ ගොස් තිබේ. කෙසේ වෙතත්, ඇමෙරිකානු සම්බාධක හමුවේ වුවද තමන් සතුව ප්රමාණවත් තරම් විදේශ විනිමය සංචිත පවතින බව ඉරාන මහ බැංකු අධිපති අබ්දොල්නාසර් හේමති අවධාරණය කරයි.
