වසර 15ක කාලයක් ඇපල් (Apple) සමාගමේ ප්රධාන විධායක නිලධාරියා (CEO) ලෙස කටයුතු කළ ටිම් කුක් (Tim Cook) එම තුරෙන් ඉවත් වී ඇති අතර, ඔහු වෙනුවට දෘඩාංග ඉංජිනේරු අංශයේ ජ්යෙෂ්ඨ උප සභාපතිවරයා ලෙස කටයුතු කළ ජෝන් ටර්නස් (John Ternus) නව ප්රධාන විධායක නිලධාරියා ලෙස නිල වශයෙන් පත්ව තිබේ.
2001 වසරේදී ඇපල් සමාගමේ නිෂ්පාදන නිර්මාණ කණ්ඩායමට එක් වූ ටර්නස්, අයිපෑඩ් සහ එයාර්පොඩ් වැනි ප්රමුඛ පෙළේ නිෂ්පාදන රැසක දියත් කිරීම් අධීක්ෂණය කර ඇත. ඔහුගේ දෘඩාංග ඉංජිනේරු පසුබිම හේතුවෙන්, ඉදිරියේදී ඇපල් සමාගම කෘත්රිම බුද්ධිය (AI) සහ දෘඩාංග නවෝත්පාදනයන් එකිනෙක යා කරමින් නව තාක්ෂණික යුගයකට පිවිසෙනු ඇතැයි විශ්ලේෂකයෝ පෙන්වා දෙති. මේ අතර, සැප්තැම්බර් 9 වන දින පැවැත්වෙන නව නිෂ්පාදන හඳුන්වා දීමේ උත්සවයේදී නවතම අයිෆෝන් දුරකථන සමඟ නැමිය හැකි (foldable) දුරකථනයක්ද එළිදැක්වීමට නියමිතව ඇති අතර, ටර්නස්ගේ නව නායකත්වය යටතේ ඇපල් සමාගම මුහුණ දෙන පළමු ප්රධානම හඳුන්වා දීම එය වනු ඇත.
