එක්සත් ජනපදයේ වසර හයක කාලයක් ජීවත් වීමෙන් පසු බ්රිතාන්යයේ හැරී කුමරු සහ මේගන් මාකල් නැවත එක්සත් රාජධානියට පැමිණීම සම්බන්ධයෙන් ඇමරිකානු ජනාධිපති ඩොනල්ඩ් ට්රම්ප් සිය දැඩි අදහස් පළ කර තිබේ.
ධවල මන්දිරයේ ඕවල් කාර්යාලයේ පැවැති මාධ්ය හමුවකදී අදහස් දක්වමින් 80 හැවිරිදි ජනාධිපතිවරයා සඳහන් කළේ, තමන් කිසිවිටෙකත් ඔවුන්ගේ රසිකයෙකු නොවූ බවයි. දෙවන එලිසබෙත් රැජිනට සහ චාල්ස් රජුට මේගන් මාකල් විසින් අගෞරව කර ඇති බව පෙන්වා දුන් ට්රම්ප්, ඇයගේ එම හැසිරීම දැඩි ලෙස විවේචනය කළේය. තමන් රාජකීය පවුලේ සාමාජිකයෙකු එනම් චාල්ස් රජු වුණේ නම්, කිසිදු අවස්ථාවක ඔවුන්ව නැවත රාජකීය මාලිගාවට බාර නොගන්නා බවද හෙතෙම අවධාරණය කළේය.
හැරී කුමරු සහ මේගන් මාකල් තම දරුවන් දෙදෙනා සමඟ පසුගිය අගෝස්තු 26 වන දින යළි එක්සත් රාජධානියට පැමිණියේ ඉදිරි කාලය එහි පදිංචි වීමේ අරමුණින් වන අතර, ඔවුන් නිල රාජකීය නිවසක පදිංචි නොවී කොට්ස්වෝල්ඩ්ස් වැනි ප්රදේශයක පෞද්ගලික නිවසක පදිංචි වීමට නියමිත බව බ්රිතාන්ය මාධ්ය වාර්තා කරයි. කෙසේ වෙතත්, ස්වේච්ඡාවෙන් අත්හැර දැමූ නිල රාජකීය රාජකාරි සඳහා ඔවුන් නැවත සම්බන්ධ නොවනු ඇත.
