වත්මන් ජනාධිපතිවරයාගේ ධුර කාලයෙන් සැලකිය යුතු ප්රතිශතයක් එනම් සියයට හතළිහකට වැඩි කාලයක් මේ වන විට ගෙවී ගොස් තිබුණද, මැතිවරණ සමයේ ජනතාවට ලබා දුන් කිසිදු ප්රධාන පොරොන්දුවක් මෙතෙක් යථාර්ථයක් බවට පත් වී නැතැයි සමගි ජන බලවේගයේ පාර්ලිමේන්තු මන්ත්රී එස්.එම්. මරික්කාර් මහතා දැඩි ලෙස ප්රකාශ කරයි. මාධ්ය වෙත අදහස් දක්වමින් මන්ත්රීවරයා පෙන්වා දුන්නේ, අධිවේගී මාර්ග ව්යාපෘති, විදුලි දුම්රිය පද්ධති, මසුන් ඇල්ලීම සඳහා අවශ්ය නවීන තාක්ෂණික යෙදවුම් හෝ ඛනිජ සම්පත් ගවේෂණය වැනි මෙරට ආර්ථිකයට සෘජුවම බලපාන කිසිදු සංවර්ධන ව්යාපෘතියක් වත්මන් පාලනය යටතේ මෙතෙක් ආරම්භ කර නොමැති බවයි.
විශාල ප්රකාශ සහ වචනවලින් පමණක් රට පාලනය කළ නොහැකි බවත්, අද වන විට සමාජයේ සෑම අංශයක්ම බරපතළ විනාශකාරී මුහුුවරකට ගමන් කරමින් පවතින බවත් මන්ත්රීවරයා වැඩිදුරටත් අවධාරණය කළේය. “ලොරි ටෝක්ස් නම් ගොඩක් තියෙනවා, හැබැයි වැඩක් නැහැ” යනුවෙන් සඳහන් කළ ඔහු, රජය ජනතාව මුළා කිරීමේ දේශපාලනය අඛණ්ඩව පවත්වාගෙන යන බවට චෝදනා කළේය. දිනෙන් දින ඉහළ යන ජීවන බර සහ පාලකයන්ගේ අදූරදර්ශී ක්රියාමාර්ත හමුවේ සමස්ත සමාජ පද්ධතියම දැඩි අවිනිශ්චිතතාවකට සහ බිඳවැටීමකට මුහුණපා සිටී.
රජයේ මෙම අකාර්යක්ෂමතාව සහ පොරොන්දු කඩකිරීමේ දේශපාලන සංස්කෘතිය ඉදිරියේදී දැඩි ජනතා විරෝධයකට හේතු වනු ඇති බවට දේශපාලන පෙන්වා දෙති. ධුර කාලයෙන් අඩකට ආසන්න කාලයක් ගතවී ඇති පසුබිමක, ආර්ථික ප්රතිසංස්කරණ සහ ජනතා අපේක්ෂා ඉටු කිරීම සම්බන්ධයෙන් ආණ්ඩුවට එරෙහිව එල්ල වන මෙම බරපතළ චෝදනා ඉදිරි දේශපාලන භූමිය තුළ තීරණාත්මක බලපෑමක් ඇති කරනු නිසැකය.
