යෝජිත 22 වැනි ආණ්ඩුක්රම ව්යවස්ථාව සංශෝධනයට එරෙහිව ගොනු කරන ලද පෙත්සම් විමසූ පස් සභාකාර ශ්රේෂ්ඨාධිකරණ විනිසුරු මඬුල්ලේ සංයුතිය සහ එහි ක්රියාපටිපාටිය සම්බන්ධයෙන් පොදුරාජ්ය මණ්ඩලීය නීතිඥ සංගමයේ (CLA) සභාපති ස්ටීවන් තිරු (Steven Thiru) මහතා විසින් වාර්තාවක් නිකුත් කරමින් බරපතල ගැටලු කිහිපයක් මතු කර තිබේ. අගවිනිසුරුවරයා මඟහරවා වෙනත් විනිසුරු මඬුල්ලක් පත් කරන ලෙස කළ ඉල්ලීම ප්රතික්ෂේප කිරීම, සියලුම විනිසුරුවරුන්ගෙන් සමන්විත පූර්ණ මඬුල්ලක් (Full Bench) ලබා දීම ප්රතික්ෂේප කිරීම සහ ජ්යෙෂ්ඨ විනිසුරුවරුන් සිව්දෙනෙකු මෙම මඬුල්ලට ඇතුළත් නොවීම යන කරුණු එහිදී විශේෂයෙන් පෙන්වා දී ඇත.
විශේෂයෙන්ම අගවිනිසුරුවරයාට පසුව ජ්යෙෂ්ඨත්වයෙන් පසුවන විනිසුරුවරුන් වන යසන්ත කෝදාගොඩ, ඒ.එච්.එම්.ඩී. නවාස්, ශිරාන් ගුණරත්න සහ ජනක් ද සිල්වා යන මහත්වරුන් මෙම පස් සභාකාර මඬුල්ලට ඇතුළත් කර නොතිබීම කැපී පෙනෙන කරුණක් බව සංගමය සඳහන් කරයි. මීට අමතරව, මැදිහත්කරුවන්ගේ සහ වගඋත්තරකරුගේ මෝසම් ඉදිරිපත් කිරීමෙන් පසු ප්රතිචාර දැක්වීම සඳහා වාචික ඉදිරිපත් කිරීම් කිරීමට අවසර නොදීම, සහ ශ්රී ලංකාවට පැමිණි තිරු මහතාට අධිකරණ අමාත්යවරයා සහ අමාත්යාංශ ලේකම්වරයා හමුවීමට අවස්ථාව ලබා නොදීම සම්බන්ධයෙන්ද එහිදී සිය අප්රසාදය පළ කර තිබේ.
