පාකිස්තානයේ අගෝස්තු මාසයේ උද්ධමන අනුපාතය 11.1% දක්වා ඉහළ ගොස් ඇති බව එරට සංඛ්යාලේඛන කාර්යාංශයේ නවතම දත්ත උපුටා දක්වමින් ‘නේෂන්’ පුවත් සේවය වාර්තා කරයි.
ජූලි මාසයේදී 9.2%ක් ලෙස සටහන් වූ උද්ධමනය මෙලෙස නැවතත් ඉහළ ගොස් ඇති අතර, ඊට සමගාමීව ආහාර ද්රව්යවල මිල ගණන් 13.89%කින් ඉහළ ගොස් තිබේ. නිවාස, විදුලිය, ගෑස්, ජලය සහ ඉන්ධන ඇතුළු උපයෝගිතා ගාස්තු 8.87%කින් ඉහළ ගොස් ඇති අතර, සෞඛ්ය සහ අධ්යාපනික වියදම් ද සැලකිය යුතු ලෙස වැඩි වී ඇත. ග්රාමීය ප්රදේශවල ලූනු මිල 48.35%කින් සහ අල මිල 10.57%කින් ඉහළ ගොස් ඇති අතර, බිත්තර, තක්කාලි, තිරිඟු සහ කුකුළු මස් වැනි අත්යවශ්ය පාරිභෝගික භාණ්ඩවල මිල ගණන් ද ඉහළ යාම නිසා එරට ජනතාව දැඩි ආර්ථික පීඩනයකට ලක්ව සිටිති.
