ශ්රී ලංකා මලල ක්රීඩා සම්මේලනයේ මෙහෙයවීමෙන් හෝමාගම දියගම මහින්ද රාජපක්ෂ ක්රීඩාංගණයේදී පැවැති 104 වැනි ජාතික ජ්යෙෂ්ඨ ශූරතා මලල ක්රීඩා තරගාවලිය නව ශ්රී ලංකා වාර්තා පහක් බිහි කරමින් නිමාවට පත්විය.
පිරිමි මීටර් 800 ඉසව්වෙන් ඩී.එම්. හර්ෂ කරුණාරත්න මිනිත්තු 1:47.80ක දක්ෂතාවක් දක්වමින් නව වාර්තාවක් පිහිටුවීය.
එම්. ඩිමල්ෂ චතුරංග පිරිමි මීටර් 400 කඩුළු මතින් දිවීමේ ඉසව්ව තත්පර 49.41කින් නිම කරමින් නව ශ්රී ලංකා වාර්තාවක් පිහිටුවූ අතර, ඒ. පුවිදරන් පිරිමි රිටි පැනීමේ ඉසව්වෙන් මීටර් 5.10ක දක්ෂතාවක් දක්වමින් වාර්තාවක් තැබීය.
කාන්තා හෙල්ල විසිකිරීමේ ඉසව්වෙන් දිල්හානි ලේකම්ගේ මීටර් 59.46ක දුරක් වාර්තා කරමින් නව වාර්තාවක් පිහිටුවූ අතර, ඩබ්ලිව්.ඒ.එම්.ආර්. විජේසූරිය කාන්තා මීටර් 10,000 ඉසව්ව මිනිත්තු 33:32.77කින් නිම කරමින් තවත් නව ශ්රී ලංකා වාර්තාවක් බිහි කළාය.
මෙවර තරගාවලියේ දක්ෂතම ක්රීඩකයා ලෙස යුද හමුදාව නියෝජනය කළ එම්. ඩිමල්ෂ චතුරංග තේරී පත්වූ අතර, දක්ෂතම ක්රීඩිකාව ලෙස ශ්රී ලංකා පාසල් සංගමය නියෝජනය කළ ඒ.ඩබ්ලිව්.ජී.ජේ.එස්. විජේතුංග තේරී පත්වූවාය.
එමෙන්ම, තරගාවලියේ අතිශූරතම ක්රීඩකයා හෝ ක්රීඩිකාව වෙනුවෙන් පිරිනමන “එන්. වෛරවනාදන් අනුස්මරණ කුසලානය”ද මීටර් 400 කඩුළු මතින් දිවීමේ ඉසව්වෙන් තත්පර 49.41ක දක්ෂතාවක් දැක්වූ ඩිමල්ෂ චතුරංග විසින් දිනාගැනීම විශේෂත්වයකි.
තරගාවලියේදී දස්කම් දැක්වූ තවත් ක්රීඩක ක්රීඩිකාවන් රැසක්ද සංවිධායකයන් විසින් ඇගයීමට ලක්කර තිබේ.
