පෘථිවි පෘෂ්ඨයේ සිට කිලෝමීටර් 2,900ක් පමණ ගැඹුරින් පිහිටි ප්රවරණය සහ බාහිර අෂ්ටකය අතර සීමා මායිම් ආශ්රිතව පැසිෆික් මහා සාගර දෙකක ඇති සමස්ත ජල ප්රමාණයට සමාන ජල ස්කන්ධයක් ගබඩාවී පැවතිය හැකි බවට නවතම භූ විද්යාත්මක අධ්යයනයකින් අනාවරණය වී ඇති බව WION News වාර්තා කරයි.
මෙම ජල කඳ සාගරයක ආකාරයෙන් ද්රව ලෙස නොපවතින අතර, අධික පීඩනය සහ උෂ්ණත්වය හේතුවෙන් ප්රවරණයේ ඇති ඛනිජමය පාෂාණ තුළ අණුක මට්ටමින් හයිඩ්රොක්සිල් සංයෝග ලෙස බැඳී පවතියි. පෘථිවි පෘෂ්ඨයේ සිදුවන තැටිකා චලන ඔස්සේ සාගර ජලය අභ්යන්තරයට ඇදී යාම මගින් මෙම ජල සංචිතය නිර්මාණය වී ඇති බව විද්යාඥයෝ පෙන්වා දෙති. මෙම සුවිශේෂී සොයාගැනීම පෘථිවියේ පරිණාමය, අභ්යන්තර චලනයන් සහ චුම්බක ක්ෂේත්රයේ හැසිරීම් පිළිබඳව පර්යේෂණ කිරීමට භූ විද්යාඥයින්ට නව මංපෙත් විවර කරදී තිබේ.
