පොලිස් නිෂ්කාශන සහතිකපත් ලබා ගැනීම සඳහා අයදුම්කරුවන්ට ප්රාදේශීය පොලිස් ස්ථාන හරහා අවශ්ය පහසුකම් සලසා දී ඇති බව ශ්රී ලංකා පොලීසිය පවසයි.
නිවේදනයක් නිකුත් කරමින් පොලීසිය සඳහන් කර ඇත්තේ නිෂ්කාශන සහතික නිකුත් කිරීම සඳහා භාවිත කරන පරිගණක පද්ධතියේ අත්යවශ්ය නඩත්තු කටයුත්තක් හේතුවෙන් මාර්ගගත ක්රමවේදය ඔස්සේ පොලිස් නිෂ්කාශන අයදුම්පත් යොමු කිරීම තාවකාලිකව අත්හිටුවා ඇති බවයි.
ඒ අනුව, පරිගණක පද්ධතිය යථා තත්ත්වයට පත් කරන තුරු මාර්ගගතව අයදුම්පත් ඉදිරිපත් කිරීමට නොහැකි බව පොලීසිය දැනුම් දී තිබේ.
කෙසේ වෙතත්, පොලිස් නිෂ්කාශන සහතිකය ලබා ගැනීමට අවශ්ය අයදුම්කරුවන් සඳහා ප්රාදේශීය පොලිස් ස්ථාන මගින් අවශ්ය කටයුතු සිදුකර ගැනීමට අවස්ථාව සලසා දී ඇති බවද පොලීසිය සඳහන් කරයි.
එබැවින් පරිගණක පද්ධතිය යථාවත් වන තුරු පොලීසිය විසින් නිකුත් කර ඇති අදාළ උපදෙස් අනුව කටයුතු කරන ලෙස අයදුම්කරුවන්ගෙන් ඉල්ලා තිබේ.
පද්ධතියේ නඩත්තු කටයුතු අවසන් කර මාර්ගගත අයදුම් කිරීමේ පහසුකම යළි සක්රීය කරන අවස්ථාව පිළිබඳව පොලීසිය විසින් ඉදිරියේදී දැනුම් දෙනු ඇත.
