Euro Motors සමාගම විසින් කොළඹ 10, ශ්රී සද්ධර්ම මාවතේ පිහිටි සිය විශේෂිත වාහන අමතර කොටස් ප්රදර්ශනාගාරය නවීකරණය කර යළි විවෘත කර තිබේ.
මෙම නවීකරණය කළ ප්රදර්ශනාගාරය හරහා Jetour, Dongfeng, JAC, Bonluck, Ankai සහ Joylong ඇතුළු සමාගමේ වාහන සන්නාම සඳහා අවශ්ය අව්යාජ අමතර කොටස් රැසක් ලබා ගැනීමට පාරිභෝගිකයින්ට අවස්ථාව හිමිවේ.
තම වාහන නඩත්තු හා අලුත්වැඩියා කටයුතු සඳහා අවශ්ය නිවැරදි අමතර කොටස් පහසුවෙන් ලබා ගැනීමට හැකි වන පරිදි මෙම ප්රදර්ශනාගාරය සැලසුම් කර ඇති බව සමාගම සඳහන් කරයි.
තනි වාහන හිමිකරුවන්ට මෙන්ම ආයතනික පාරිභෝගිකයින්, වාහන සමූහ හිමිකරුවන් සහ අනතුරු හේතුවෙන් සිදුවන අලුත්වැඩියා සඳහා කටයුතු කරන රක්ෂණ සමාගම්වලටද මෙය පහසුකමක් වනු ඇතැයි Euro Motors පවසයි.
ප්රදර්ශනාගාරයට පැමිණීමට නොහැකි පාරිභෝගිකයින්ට දුරකථන මාර්ගයෙන් අවශ්ය අමතර කොටස් පිළිබඳ විමසා ඒවා ඇණවුම් කිරීමටද අවස්ථාව සලසා තිබේ. එමෙන්ම, ඇණවුම් කළ අමතර කොටස් පාරිභෝගිකයින් වෙත බෙදාහැරීමේ පහසුකමක්ද ක්රියාත්මක වේ.
නව ප්රදර්ශනාගාරය යළි විවෘත කිරීමත් සමඟ අමතර කොටස් මිලදී ගැනීමේදී පාරිභෝගිකයින්ට වැඩි වටිනාකමක් ලබාදීමේ අරමුණින් විශේෂ Bundle Offers කිහිපයක්ද හඳුන්වා දී තිබේ.
වාහනයේ නිෂ්පාදකයා විසින් නිර්දේශ කරන අව්යාජ අමතර කොටස් භාවිත කිරීම මගින් වාහනයේ ගැළපීම, කාර්යක්ෂමතාව සහ දිගුකාලීන ක්රියාකාරීත්වය පවත්වා ගැනීමට හැකි වන බව සමාගම පෙන්වා දෙයි.
විශේෂයෙන්ම වගකීම් කාලය තුළ පවතින වාහන සඳහා නිවැරදි අව්යාජ අමතර කොටස් භාවිත කිරීම වැදගත් බවත්, පසුවද සුදුසු උපාංග භාවිත කිරීම මගින් වාහනයේ කාර්යක්ෂමතාව සහ හිමිකරුගේ ආයෝජනය ආරක්ෂා කර ගැනීමට හැකි වන බවත් Euro Motors සඳහන් කරයි.
නවීකරණය කළ ප්රදර්ශනාගාරය හරහා අව්යාජ අමතර කොටස්, වෘත්තීය සහාය, පහසු ඇණවුම් කිරීම සහ නිවසටම බෙදාහැරීම යන පහසුකම් එකම ස්ථානයකින් ලබාදීමට Euro Motors බලාපොරොත්තු වේ.
