ටෙන්ඩර් පටිපාටිය උල්ලංඝනය කරමින් මගී ප්රවාහන අවසර පත්ර නිකුත් කර රජයට රුපියල් ලක්ෂ 41කට අධික මූල්යමය පාඩුවක් සිදුකිරීමේ චෝදනාව මත බස්නාහිර පළාත් මාර්ගස්ථ මගී ප්රවාහන අධිකාරියේ හිටපු සභාපති ප්රසන්න සංජීව අල්ලස් හෝ දූෂණ චෝදනා විමර්ශන කොමිෂන් සභාව විසින් අත්අඩංගුවට ගෙන තිබේ.
අදාළ ප්රඥප්තිය සහ නිත්ය ටෙන්ඩර් ක්රමවේදයන් සම්පූර්ණයෙන්ම නොසලකා හරිමින් විවිධ පාර්ශ්වයන්ට අයුතු ලෙස වාසි සැලසීම මගින් රාජ්ය මුදල් අවභාවිත කර ඇති බවට විමර්ශනවලදී හෙළි වී ඇති අතර, මෙම සිදුවීම හරහා රාජ්ය ආයතනවල විනිවිදභාවය සහ මූල්ය විනය සුරක්ෂිත කිරීම සම්බන්ධයෙන් යළිත් වරක් බරපතළ ප්රශ්නාර්ථයක් මතුව ඇත.
අත්අඩංගුවට ගැනීමෙන් අනතුරුව කොළඹ ප්රධාන මහේස්ත්රාත් අධිකරණය වෙත ඉදිරිපත් කළ සැකකාර හිටපු සභාපතිවරයා මේ වන විට ඇප මත මුදා හැර ඇති අතර, රාජ්ය බලය සහ තනතුරු අයු্තු ලෙස භාවිතා කරමින් මූල්ය වංචා සිදුකළ පුද්ගලයන්ට එරෙහිව නීතිය දැඩිව ක්රියාත්මක කිරීමේ ඉදිරි පියවරයන් කෙරෙහි මේ වන විට මහජන අවධානය යොමු වී තිබේ.
