ඩෙංගු රෝගීන්ගේ සංඛ්යාව වාර්ෂිකව ඉහළ යන ජූනි සහ ජූලි මාස අපේක්ෂාවෙන් තොරව එළඹීමට පෙර, ලබන වසරේ ජූනි මාසයටත් ප්රථම විශේෂ සහ පුළුල් ඩෙංගු මර්දන ව්යාපෘතියක් ක්රියාත්මක කරන ලෙස අග්රාමාත්ය ආචාර්ය හරිනි අමරසූරිය මහත්මිය අදාළ අංශ වෙත දැඩි උපදෙස් ලබා දී තිබේ.
පසුගිය වසරවල සෞඛ්ය සංඛ්යාලේඛන හා ප්රස්ථාර මගින් තහවුරු වී ඇති පරිදි වර්ෂයේ මැද භාගයේදී වාර්තා වන රෝගීන්ගේ සීඝ්ර වැඩිවීම හමුවේ පූර්ව සූදානමකින් තොරව ක්රියාත්මක වීමේ දුර්වලතා මඟහරවා ගනිමින්, වසංගත තත්ත්වයක් පාලනය කරගැනීම සඳහා ආයතනික සම්බන්ධීකරණය සහ ප්රජා සහභාගීත්වය කඩිනමින් පුළුල් කිරීමේ හදිසි අවශ්යතාව මතුව තිබේ.
මෙම කඩිනම් පෙර සූදානම හරහා රෝග ව්යාප්තියේ අවදානම මූලික අවස්ථාවේදීම මැඩපැවැත්වීමට අපේක්ෂා කෙරෙන අතර, සෞඛ්ය අංශ මෙන්ම පළාත් පාලන ආයතන එකමුතුව ක්රියාත්මක කරනු ලබන මෙම මර්දන වැඩපිළිවෙළේ සාර්ථකත්වය මෙරට මහජන සෞඛ්ය සුරක්ෂිත කිරීමේ තීරණාත්මක හැරවුම් ලක්ෂ්යයක් වනු ඇත.
