මහා පරිමාණ ගංජා ජාවාරම්කරුවකු බව කියන ජයසිංහ ආරච්චිගේ හේමන්ත නොහොත් “බතල හීන් මහත්තයා” නමැත්තා නීතිවිරෝධී ආකාරයෙන් උපයාගන්නා ලද රුපියල් මිලියන 1,800ක (රුපියල් ලක්ෂ 1,800ක) වටිනාකමකින් යුත් දේපළ සහ ලක්ෂ 350ක සුඛෝපභෝගී ජීප් රථයක් දින 14ක කාලයක් සඳහා ක්රියා විරහිත කිරීමේ නියෝග ලබාගෙන ඇති බව නීති විරෝධී වත්කම් විමර්ශන කොට්ඨාසය සඳහන් කරයි. පොලිස් මූලස්ථානයට ලැබුණු පැමිණිල්ලක් මත මුදල් විශුද්ධීකරණ පනතේ ප්රතිපාදන ප්රකාරව මෙම විමර්ශනය ආරම්භ කර තිබේ.
ඒ අනුව, සැකකරුගේ සහ ඔහුගේ බිරිඳගේ නමින් තඹුත්තේගම, කිරවැල්වාටුව සහ මිද්දෙණිය ප්රදේශවල මිලදී ගෙන ඇති ඉඩම්, ගොඩනැඟිලි, වෙළඳසැල් සහ නිවාස ඇතුළු දේපළ 8කින් සමන්විත රුපියල් ලක්ෂ 1,800ක දේපළ තොගයක් මෙලෙස තාවකාලිකව முස් කර ඇත. මීට අමතරව, මත්ද්රව්ය වැරදි සම්බන්ධයෙන් නඩු ලේඛනගත වී ඇති සැකකරුගේ දෙවැනි පුත්රයාගේ නමින් නීතිවිරෝධී මුදල් යොදවා මිලදී ගෙන ඇති රුපියල් ලක්ෂ 350ක් වටිනා සුඛෝපභෝගී ජීප් රථයට ද 2006 අංක 5 දරන මුදල් විශුද්ධීකරණ වැළැක්වීමේ පනතේ ප්රතිපාදන යටතේ අද (16) දින සිට ක්රියාත්මක වන පරිදි දින 14ක ක්රියා විරහිත කිරීමේ නියෝග නිකුත් කර තිබේ.
