ශ්රී ලංකා රේගුව 2026 වසර සඳහා වන ආදායම් එකතු කිරීමේ කටයුතුවලදී රුපියල් ට්රිලියන 2 සීමාව ඉක්මවා යාමට සැප්තැම්බර් 15 වන දින සමත්ව තිබේ. ජනවාරි 1 වන දින සිට සැප්තැම්බර් 15 දක්වා කාලය තුළ රුපියල් ට්රිලියන 2 ක ආදායමක් එකතු කර ඇති බව රේගු මාධ්ය ප්රකාශක චන්දන පුංචිහේවා මහතා තහවුරු කර ඇති අතර, එය රුපියල් ට්රිලියන 2.207 ක වාර්ෂික ආදායම් ඉලක්කයෙන් 90% කට අධික ප්රතිශතයකි. වසරේ මාස නවයක් ගත වීමටත් පෙර මෙම සීමාව කරා ළගාවී ඇති අතර, සම්පූර්ණ වාර්ෂික ඉලක්කය සපුරා ගැනීමට තවදුරටත් රුපියල් බිලියන 207 ක පමණ ප්රමාණයක් ඉතිරිව තිබේ.
