පලස්තීන ජනාධිපති මහමුද් අබ්බාස්ට නිව්යෝර්ක්හි පැවැත්වෙන එක්සත් ජාතීන්ගේ මහා මණ්ඩල සැසිවාරයට සහභාගී වීම සඳහා ඇමෙරිකාව යළි වීසා ලබාදී නොමැත. ඒ අනුව අඛණ්ඩව දෙවැනි වසරටත් ඔහුට සැසිවාරයට පෞද්ගලිකව සහභාගී වීමට නොහැකි වනු ඇත.
ඇමෙරිකානු රාජ්ය දෙපාර්තමේන්තුව පලස්තීන අධිකාරියේ නිලධාරීන් සහ පලස්තීන විමුක්ති සංවිධානයේ සාමාජිකයන්ට අදාළ වීසා සීමා දීර්ඝ කර තිබේ. ජාත්යන්තර අපරාධ අධිකරණය සහ ජාත්යන්තර අධිකරණය හරහා ඊශ්රායල පලස්තීන ගැටුම ජාත්යන්තරකරණය කිරීමට එම සංවිධාන ක්රියාකරන බවට ඇමෙරිකාව චෝදනා කරමින් මෙම තීරණයට හේතු දක්වා ඇත.
2025දීද අබ්බාස්ට වීසා ලබා නොදුන් අතර, එක්සත් ජාතීන්ගේ මහා මණ්ඩලයේ අනුමැතියෙන් ඔහු වීඩියෝ තාක්ෂණය ඔස්සේ සැසිවාරය ඇමතීය. මෙවරද ඔහුට වීඩියෝ ප්රකාශයක් මගින් මහා මණ්ඩලය ඇමතීමට අවසර ලබාදීම සම්බන්ධයෙන් සාමාජික රටවල් සලකා බැලීමට නියමිතය.
