රුසියානු ජනාධිපති ව්ලැදිමීර් පුටින් විසින් ඉන්දීය අග්රාමාත්ය නරේන්ද්ර මෝදිගේ 76 වැනි උපන්දිනය වෙනුවෙන් සුබපැතුම් එක්කර තිබේ. මෝදිගේ පෞද්ගලික දායකත්වය ඉන්දියාව සහ රුසියාව අතර පවතින “විශේෂ සහ වරප්රසාද ලත්” උපායමාර්ගික හවුල්කාරීත්වය ශක්තිමත් කිරීමට වැදගත් වූ බව පුටින්ගේ පණිවුඩයේ සඳහන් කර ඇත.
පසුගියදා නවදිල්ලියේ පැවති BRICS සමුළුව අතරතුර මෝදි විසින් ලබාදුන් ආගන්තුක සත්කාරය සම්බන්ධයෙන්ද පුටින් ස්තූතිය පළ කර තිබේ. මෑතකදී පැවති දෙරටේ නායකයන්ගේ සාකච්ඡා “සාරවත්, අවංක සහ ඵලදායී” වූ බවත්, ද්විපාර්ශ්වික මෙන්ම ජාත්යන්තර කරුණු සම්බන්ධයෙන් ඉදිරියටත් සහයෝගයෙන් කටයුතු කිරීමට සූදානම් බවත් ඔහු සඳහන් කර ඇත.
රුසියානු තානාපති කාර්යාලය මෝදිට ලබාදුන් මෙම සුබපැතුම් පණිවුඩය “Druzhba-Dosti” යන හැෂ්ටැගය සමඟ පළ කර තිබේ. “Druzhba” යනු රුසියානු භාෂාවෙන් මිත්රත්වය යන අර්ථය දක්වන අතර, “Dosti” යනු හින්දි භාෂාවෙන් මිත්රත්වය යන අර්ථය දක්වයි. මෙම සංකල්පය ඉන්දියා–රුසියා හවුල්කාරීත්වය ඉදිරි දශකය තුළ තවදුරටත් ශක්තිමත් කිරීමේ දැක්ම සමඟ සම්බන්ධ වේ.
