රුසියානු තෙල් සහ ගෑස් මිලදී ගැනීම සම්බන්ධයෙන් ඉන්දියාව සහ චීනය වෙත ඇමෙරිකාවෙන් දැඩි අනතුරු ඇඟවීමක් එල්ල වී තිබේ. ඇමෙරිකානු සෙනෙට් මන්ත්රී රිචඩ් බ්ලූමෙන්තාල් සඳහන් කර ඇත්තේ රුසියානු බලශක්ති මිලදී ගැනීම් අඩු කර වෙනත් සැපයුම්කරුවන් වෙත යොමුවන ලෙසයි.
මෙම ප්රකාශය සිදුකර ඇත්තේ “Lindsey O. Graham Sanctioning Russia and Iran Act of 2026” නම් පනත් කෙටුම්පත ඇමෙරිකානු නියෝජිත මන්ත්රී මණ්ඩලය විසින් ඡන්ද 262-159කින් සම්මත කිරීමෙන් අනතුරුවය. පනත් කෙටුම්පත මඟින් රුසියානු බලශක්තියේ ප්රධාන ගැනුම්කරුවන් වෙත උපරිම 100% දක්වා තීරුබදු පැනවීමට ජනාධිපති ඩොනල්ඩ් ට්රම්ප්ට බලය ලබාදීමට යෝජනා කර ඇති අතර, එය තවමත් ජනාධිපතිවරයාගේ අනුමැතිය සඳහා යොමු වී තිබේ.
මේ අතර, ඉන්දියාව පවසා ඇත්තේ තම ජනතාවගේ බලශක්ති ආරක්ෂාව සහතික කිරීම සඳහා වෙළඳපොළ තත්ත්වයන් අනුව විවිධ සැපයුම්කරුවන්ගෙන් බලශක්තිය ලබාගැනීම අඛණ්ඩව සිදුකරන බවයි. නව ඇමෙරිකානු ක්රියාමාර්ග දෙරටේ සබඳතාවලට මෙන්ම ජාත්යන්තර බලශක්ති වෙළඳපොළටද බලපෑම් ඇති කළ හැකි බවට ඉන්දියාව අවධානය යොමු කර තිබේ.
රුසියානු බලශක්ති මිලදී ගැනීම් හරහා මොස්කව් වෙත ලැබෙන ආදායම සීමා කිරීම මෙම ඇමෙරිකානු පනත් කෙටුම්පතේ ප්රධාන අරමුණක් ලෙස සඳහන් වේ. කෙසේ වෙතත්, 100% තීරුබදු ස්වයංක්රීයව ක්රියාත්මක වන බවක් පනතෙන් අදහස් නොවන අතර, එය ජනාධිපතිවරයාට ලබාදෙන බලයක් බව වාර්තා පෙන්වා දෙයි.
