ශ්රී ලංකාවේ ඇමෙරිකානු තානාපති කාර්යාලයේ නව නියෝජ්ය දූත මණ්ඩල ප්රධානියා ලෙස ඩේවිඩ් මයර්ස් මහතා මේ මස සිය රාජකාරී ආරම්භ කර තිබේ. ඒ මහතා මීට පෙර උතුරු මැසඩෝනියාවේ ස්කොප්ජ් හි ඇමෙරිකානු තානාපති කාර්යාලයේ වැඩබැලූ නියෝජ්ය දූත මණ්ඩල ප්රධානියා සහ දේශපාලන-ආර්ථික අංශයේ ප්රධානියා ලෙස කටයුතු කර ඇත.
සිය රාජ්ය තාන්ත්රික සේවා කාලය තුළ චීනයේ ග്වංෂෝ, කාම්බෝජයේ නොම්පෙන්, වියට්නාමයේ හොං චි මිං නගරය සහ රුසියාවේ මොස්කව් යන නගරවල පිහිටි ඇමෙරිකානු තානාපති කාර්යාලවල විදේශීය සේවාවන් සඳහා මයර්ස් මහතා දායක වී තිබේ. ඇමෙරිකා එක්සත් ජනපද රාජ්ය දෙපාර්තමේන්තුවට එක් වීමට පෙර, ඔහු වොෂින්ටන් ඩී.සී. හි යුක්ති දෙපාර්තමේන්තුවේ ප්රතිමෝක්ෂ නීති අංශයේ මෙන්ම මෙල්බර්න් හි ඔස්ට්රේලියානු තරගකාරී හා පාරිභෝගික කොමිසමේ සහ පෞද්ගලික ආයතන කිහිපයක ප්රතිමෝක්ෂ නීතිය පිළිබඳ විශේෂඥයෙකු ලෙස කටයුතු කළ නීතිඥයෙකි.
