මහනුවර, නුවරඑළිය ඇතුළු දිස්ත්රික්ක කිහිපයකට නිකුත් කර තිබූ නායයෑම් පූර්ව අනතුරු ඇඟවීම් අද (27) පස්වරු 4.00 දක්වා දීර්ඝ කර තිබේ.
ඒ අනුව මහනුවර දිස්ත්රික්කයේ පස්බාගේ කෝරළේ, උඩපළාත, ගඟ ඉහළ කෝරළේ සහ දොළුව ප්රාදේශීය ලේකම් කොට්ඨාස සඳහාත්, නුවරඑළිය දිස්ත්රික්කයේ අඹගමුව, නෝර්වුඩ්, කොත්මලේ බටහිර සහ කොත්මලේ නැගෙනහිර ප්රදේශ සඳහාත් **මට්ටම 3 – ඉවත් වන්න** යන රතු මට්ටමේ අනතුරු ඇඟවීම ක්රියාත්මක වේ.
මීට අමතරව ගාල්ල, මහනුවර, කෑගල්ල, නුවරඑළිය සහ රත්නපුර දිස්ත්රික්කවල ප්රදේශ කිහිපයකට **මට්ටම 2 – අවධානයෙන් සිටින්න** යන අනතුරු ඇඟවීම්ද, කොළඹ, ගාල්ල, කළුතර, කෑගල්ල, මහනුවර, මාතර, රත්නපුර සහ නුවරඑළිය දිස්ත්රික්කවල ප්රදේශ කිහිපයකට **මට්ටම 1 – විමසිලිමත් වන්න** යන අනතුරු ඇඟවීම්ද නිකුත් කර තිබේ.
අදාළ ප්රදේශවල ජනතාව කාලගුණ හා ආපදා කළමනාකරණ බලධාරීන් නිකුත් කරන නවතම නිවේදන පිළිබඳ අවධානයෙන් සිටිය යුතු අතර, නායයෑම් ලක්ෂණ දක්නට ලැබුණහොත් අවදානම් ස්ථානවලින් වහාම ඉවත් වන ලෙස දැනුම් දී තිබේ.
