උණුසුම් කාලගුණ තත්ත්වය පිළිබඳ කාලගුණවිද්‍යා දෙපාර්තමේන්තුව විසින් අවවාදාත්මක නිවේදනයක් නිකුත් කර තිබේ. අද (29) පස්වරු 4.00ට නිකුත් කරන ලද මෙම නිවේදනය හෙට (30) පස්වරු 4.00 දක්වා වලංගු වේ.
ඒ අනුව, උතුරු-මැද සහ නැගෙනහිර පළාත්වලත්, යාපනය, කිලිනොච්චි, මුලතිව්, වව්නියා, මොනරාගල සහ හම්බන්තොට දිස්ත්‍රික්කවලත් ඇතැම් ප්‍රදේශවල දිවා කාලයේදී මිනිස් සිරුරට දැනෙන උණුසුම ‘අවධානය යොමු කළ යුතු’ මට්ටමක පැවතිය හැකි බව එම නිවේදනයේ සඳහන් වේ.
