ශ්‍රී ලංකා පොලිස් විද්‍යාලයේ 78 වන සංවත්සරය නිමිත්තෙන් සර්වරාත්‍රික පිරිත් සජ්ඣායනයක් සහ සංඝගත දක්ෂිණාවක් පවත්වා තිබෙනවා.
1948 සැප්තැම්බර් 29 වනදා එවක පාලන අධිකාරීන් සහ පොලිස් ප්‍රධානීන්ගේ මැදිහත්වීමෙන් පොලිස් විද්‍යාලය වර්තමානයේ පිහිටි කළුතර ප්‍රදේශයට රැගෙන ඒම සිදුකර ඇති අතර, එම සුවිශේෂී දිනය සිහිපත් කරමින් 78 වන සංවත්සරය මෙලෙස සැමරුණා.
ඒ අනුව සැප්තැම්බර් 29 වනදා රාත්‍රියේ සර්වරාත්‍රික පිරිත් සජ්ඣායනයක් පවත්වා ඇති අතර, පසුදා උදෑසන සංඝගත දක්ෂිණාවක්ද පවත්වා තිබෙනවා.
මෙම පුණ්‍යෝත්සවයට සමගාමීව ශ්‍රී ලංකා පොලිස් විද්‍යාලයේ ප්‍රථම අධ්‍යක්ෂවරයා වූ පොලිස් අධිකාරී සිඩ්නි ද සොයිසා මහතාගේ පිළිරුව වෙත පුෂ්පෝපහාර දැක්වීමද සිදුකෙරුණා.
විද්‍යාලයේ වත්මන් අධ්‍යක්ෂ ජ්‍යෙෂ්ඨ පොලිස් අධිකාරී රුවන් තලගල මහතා විසින් එම පුෂ්පෝපහාරය සිදුකර තිබෙනවා.
පොලිස් විද්‍යාලයේ නිලධාරීන්, කාර්ය මණ්ඩලය සහ පුහුණුව ලබන උප පොලිස් පරීක්ෂකවරුන් ඇතුළු පිරිසක් මෙම පුණ්‍ය කටයුතු සහ සංවත්සර සැමරුම සඳහා එක්ව සිටියා.
