රුහුණු විශ්වවිද්‍යාලයේ කෘෂි පීඨයේ සිසුන් අතර පැතිර යන උණ රෝගී තත්ත්වයක් හේතුවෙන් අවසන් වසරේ සිසුන් හැර අනෙකුත් සිසුන්ගේ අධ්‍යයන කටයුතු මාර්ගගත ක්‍රමයට සිදු කිරීමට පාලන අධිකාරිය තීරණය කර ඇති බව වාර්තා වේ.
පසුගිය සති දෙකක පමණ කාලය තුළ දෙවැනි සහ තෙවැනි වසරවල සිසුන් 30 දෙනෙකු පමණ උණ රෝගී තත්ත්වයකට ගොදුරු වී ඇති බව සඳහන් වේ. මෙම තත්ත්වය තවදුරටත් පැතිරීම වැළැක්වීමේ අරමුණින් අධ්‍යයන කටයුතු මාර්ගගත ක්‍රමයට සිදු කිරීමට තීරණය කර ඇති බව වාර්තා වේ.
අදාළ ක්‍රමවේදය එළැඹෙන සිකුරාදා දක්වා ක්‍රියාත්මක කිරීමට සැලසුම් කර ඇති බවද සඳහන් වේ. කෙසේ වෙතත්, මෙම උණ රෝගී තත්ත්වයට හේතුවන නිශ්චිත වෛරසයක් හඳුනාගෙන ඇති බවට ස්වාධීන නිල සෞඛ්‍ය තහවුරු කිරීමක් මේ වන විට වාර්තා වී නොමැත.
