ශ්‍රී ලංකා ක්‍රිකට් ආයතනයේ පරිපාලනය සහ පාලන තන්ත්‍රයේ පුළුල් ප්‍රතිසංස්කරණ සිදුකිරීමේ අරමුණින් සකස් කරන ලද නව ශ්‍රී ලංකා ක්‍රිකට් පනත් කෙටුම්පත අද (ඔක්තෝබර් 06) පාර්ලිමේන්තුවට ඉදිරිපත් කිරීමට නියමිතය.
ක්‍රීඩා අමාත්‍යවරයා විසින් අද උදෑසන 9.30ට රැස්වන පාර්ලිමේන්තුවේදී මෙම පනත් කෙටුම්පත ඉදිරිපත් කිරීමට නියමිත අතර, නව ව්‍යවස්ථාදායක රාමුවක් යටතේ ශ්‍රී ලංකා ක්‍රිකට් ආයතනය ස්ථාපිත කිරීම, යහපාලනය, විනිවිදභාවය සහ වගවීම තහවුරු කිරීම මෙහි මූලික අරමුණ වේ. දූෂණ හා තරග පාවාදීම්වලින් ක්‍රීඩාව ආරක්ෂා කිරීම සඳහා වන දැඩි ප්‍රතිපාදනද මෙහි ඇතුළත් වන අතර, අද දින සිදුකෙරෙන ඉදිරිපත් කිරීම පනත් කෙටුම්පතේ පළමු වර කියැවීම (First Reading) වනු ඇත.
