අමෙරිකානු ෆෙඩරල් මැතිවරණ කොමිසමේ (FEC) වෙබ් අඩවිය ඉලක්ක කර එල්ල වූ සයිබර් ප්‍රහාරයක් හේතුවෙන් මැතිවරණ ප්‍රචාරක අරමුදල් සම්බන්ධ තොරතුරු විද්‍යුත් ක්‍රමයෙන් ගොනු කිරීමේ පද්ධතියට බාධා එල්ල වී ඇති බව රොයිටර්ස් පුවත් සේවය වාර්තා කරයි.
නොවැම්බර් 3 වැනිදා පැවැත්වීමට නියමිත අමෙරිකානු මැතිවරණයට සතියක පමණ කාලයක් ඉතිරිව තිබියදී මෙම සිද්ධිය වාර්තා වී තිබේ. රොයිටර්ස් වෙත දැකගැනීමට ලැබුණු විද්‍යුත් තැපැල් පණිවුඩයකට අනුව, හැකර්වරයෙකු හෝ හැකර් කණ්ඩායමක් විසින් කොමිසමේ වෙබ් අඩවිය ඉලක්ක කර ඇත.
මේ අතර, මැතිවරණය ආසන්නයේදී සුපර් පීඒසී (Super PAC) ඇතුළු දේශපාලන කණ්ඩායම් විශාල මුදල් ප්‍රමාණයක් වියදම් කරමින් සිටින බව ද වාර්තා වේ. ඇතැම් කණ්ඩායම් අනාවරණය නොකළ මූලාශ්‍රවලින් අරමුදල් ලබාගන්නා බව ද සඳහන් වේ.
මෙම මැතිවරණයේ ප්‍රතිඵලය අනුව ඉදිරි වසර දෙක සඳහා අමෙරිකානු කොංග්‍රසයේ බහුතර බලය ජනාධිපති ඩොනල්ඩ් ට්‍රම්ප්ගේ රිපබ්ලිකන් පක්ෂය සතුව පවතින්නේද යන්න තීරණය වනු ඇත.
