ජාතික ආණ්ඩුව හැදුවේ දෙගොල්ලන්ට ඇමතිකම් ගන්න නොවන ජාතික ආණ්ඩුව හැදුවේ වෙනදා මරා ගත්ත දේශපාලනයට තීත තියන්න බව ශ්‍රී ලංකා නිදහස් පක්ෂ ජාතික සංවිධායක අමාත්‍ය දුමින්ද දිසානායක මහතා පවසයි.
අමාත්‍යවරයා මේ බව පැවසුවේ “වැව්ගම් පුබුදුව” ව්‍යාපෘතිය යටතේ අනුරාධපුර පලුගස්වැව ප්‍රාදේශීය ලේකම් කොට්ඨාශයේ වැව් 09 ක එල්ලංගා පද්ධතිය ප්‍රථිසංස්කරණය කිරීම පිළිබඳව ගොවි සංවිධාන නියෝජිතයින් හා ප්‍රදේශවාසීන් දැනුවත් කිරීමේ හමුවකදීය.
එහිදී අමාත්‍යවරයා මෙහිදී කියා සිටියේ ” ශ්‍රී ලංකා ආණ්ඩුවක් තියෙන කොට එක්සත් ජාතික පාක්ෂිකයෙකුට මුකුත්ම කර ගන්න බෑ, යූ.එන්.පී ආණ්ඩු කාලේ ශ්‍රී ලංකාකාරයෙක්ට ගමේ ඉන්නත් බෑ, එහෙම තමා අපි අඩුවැඩි වශයෙන් ගහ-මරා ගත්තේ.එහෙම නම් අපි මේ සියල්ලටම තිත තියලා අපේ දරුවන්ගේ අනාගතය වෙනුවෙන් ගම හදන වැඩපිළිවෙලක් තමයි මේ කරන්නේ.අපි ජන්දේ කාළයට ගහගමු ඕන නම් ආයේ පාරක් දෙපැත්තට බෙදිලා.හැබැයි දැන් අපිට තියෙන්නේ එකට එකතු වෙලා ගම හදන්නයි ” යැයි අමාත්‍යවරයා පැවසීය.
