ඉමදුව, කෝදාගොඩ ප්‍රදේශයේදී අලෙවි කිරීමට සුදානම් කර තිබු වාලම්පුරි දෙකක් සමඟ සැකකරුවන් සිව් දෙනෙකු පොලිසිය විසින් අත්අඩංගුවට ගෙන තිබේ.
කටුකුරුන්ද පොලිස් විශේෂ කාර්ය බලකා කඳවුරේ නිලධාරින්ට ලද තොරතුරක් මත විශේෂ කාර්ය බලකා කඳවුරේ නිලධාරින් කණ්ඩායමක් සහ ඉමදුව, කෝදාගොඩ ප්‍රදේශයේදී ඊයේ (30) රාත්‍රි 11.30 ට පමණ මෙම වැටළිම සිදු කර ඇති බව පොලිස් මාධ්‍ය කාර්යාලය පවසයි.
අත්අඩංගුවට ගත් සැකකරුවන් වයස අවුරුදු 20, 26, 38 සහ 44 ක් වු වෙල්ගම, නෝර්වුඩ්, දෙනිපිටිය සහ කැටපල ප්‍රදේශයේවල පදිංචිකරුවන් වේ. සිද්ධිය සම්බන්ධයෙන් ඉමදුව පොලිසිය වැඩිදුර විමර්ශන පවත්වනු ලැබේ.
ගාල්ල මහේස්ත්‍රාත් අධිකරණය ඉදිරිපත් කල සැකකරුවන් ලබන 06 වනදා දක්වා රක්ෂිත බන්ධනාගාර ගත කර තිබේ.
