COVID-19 වයිරස ආසාදිතයන් සදහා ‘ලොව එකම ආහාරමය අතිරේකය’ නමින් හැදින්වෙන පෙති වර්ග කිහිපයක් සමාජ මාධ්‍ය වෙබ් අඩවි උපයෝගී කරගනිමින් අලෙවි කරගැනීමට යම් කණ්ඩායමක් කරයුතු කරන බව ශ්‍රී ලංකා තොරතුරු තාක්ෂණ සංගමය පවසයි.
එම සංගමය කියා සිටින්නේ ෆේස්බුක් පරිශීලකයන් දහතුන් දහසකට අධික පිරිසක් මෙම ව්‍යාජ පෙති වර්ගය සම්බන්ධයෙන් වන අන්තර්ගතයන් හුවමාරු කරගෙන ඇති අතර වට්සැප් සමාජ මාධ්‍ය යෙදුම හරහාද මෙම ව්‍යාජ පෙති වර්ගය සම්බන්ධ අන්තර්ගතයන් හුවමාරු වෙමින් පවතින බවයි.
සෞඛ්‍ය බලධාරීන් විසින් තහවුරු නොකරන ලද මෙවැනි නිෂ්පාදන අන්තර්ජාලය හරහා මුදල් ගෙවා ලබාගැනීමට යාමෙන් වලකින ලෙස ශ්‍රී ලංකා තොරතුරු තාක්ෂණ සංගමය මජනතාව දැනුවත් කරයි.
