තීරණ ගැනීමේ නොහැකියාව සහිත සෞඛ්ය ප්රධානීන්, ගැටලු විසදීමට අපොහොසත් වීම හේතුවෙන් වර්ජන රැසක් ඇතිව තිබෙන බව පරිපූරක වෛද්ය සේවා ඒකාබද්ධ බලමණ්ඩලය සභාපති රවී කුමුදේශ් මහතා පවසයි.
ඒ මහතා පැවසුවේ වෘත්තීමය සෞඛ්ය සේවාවන් ට එරෙහිව සිදුකරණු ලබන කෙනෙහිලිකම් සහ බළල් අත් මගින් සෞඛ්ය අමාත්යාංශයේ තීරණ මෙහෙයවීමට ඉඩ හැර තිබීමත් හේතුවෙන් සෞඛ්ය කාර්යය මණ්ඩලය බරපතල අතෘප්තිකරභාවයකට පත්ව ඇති බවයි. එසේම මේ මොහොතේ ජනතාවගේ පාර්ශවයෙන් වර්ජනය කිරීම බරපතළ වුවද, ඊට සෞඛ්ය ලේකම්වරයා ඇතුළු අමාත්යාංශය සෘජුවම කිව යුතු බව හෙතෙම පැවසිය.
අද දින හෙද සේවාව වරජනයකට අවතීර්ණ වී ඇති අතර, එම අතෘප්තිකර ස්වභාවය ම පැවතියේ දී පරිපූරක වෛද්ය වෘත්තිකයන් තවදුරටත් සාකච්ඡාවෙන් ගැටළු විසදීමට අවස්ථාව ලබාදී ඇති බව කුමුදෙශ් මහතා පැවසිය.
මේ හේතුවෙන් එළඹෙන 06 වෙනිදා සිට අඛණ්ඩ වර්ජන ක්රියාමාර්ගයක් වෙත අවතීර්ණ වීමට පරිපූරක වෛද්ය සේවා බල මණ්ඩලය ඒකමතිකව තීරණය කර ඇති අතර ඊට අදාලව, අදාල වෛද්ය රසායනාගාර විද්යාඥ, ඖෂධවේදී, විකිරණ විද්යා තාක්ෂණවේදී, විකිරණ චිකිත්සක සහ වෘත්තීය වෘත්තීය චිකිත්සක ඇතුළු සියලු චිකිත්සක ප්රතිකාර කරන වෘත්තීයවේදීන් වැඩ වර්ජනයක් ආරම්භ කරන බව කණගාටුවෙන් දැනුම් දෙන බව ඔහු පැවසිය.
ඉල්ලීම් දහ තුනක් ප්රමුඛ කර ගනිමින් දියත් වන මෙම වැඩවර්ජනය වළක්වා ගැනීම සඳහා සෞඛ්ය අමාත්යාංශයට කිසිදු අවශ්යතාවයක් නොමැති බව පෙනෙන්නට තිබෙන අතර, කාර්ය මණ්ඩලය වර්ජන වෙත පොලඹවන තත්වයක් හමුවේ, ජනාධිපති වරයාගේ හෝ අග්රාමාත්ය වරයාගේ සෘජු මැදිහත්වීම අවශ්ය වන අතර, වර්ජනයට එළඹීමෙන් පසු ජනතාවගේ අපහසුතාවය පිළිබඳව කිඹුල් කඳුළු හෙලීමේ ප්රයෝජනයක් නොමැති බව රවී කුමුදේශ් මහතා වැඩිදුරටත් අවධාරණය කර සිටි.
