ක්‍රිකට් තරම් මේ රටේ ජනතාවගේ හදවතට සමීප වුණු ක්‍රීඩාවක් තවත් නැති තරම් ය. 1996 දී ICC ලෝක කුසලානය දිනා ගැනීමත් සමඟ ම මුළු ලෝකයේ ම අවධානය ශ්‍රී ලංකාව වෙත යොමු විණි.
එම ජයග්‍රහණයත් සමග ම මේ රටේ ක්‍රීඩා ලෝලීන් තුළ ක්‍රිකට් ගැන තිබුණු ඇල්ම සහ ආකර්ෂණය කිහිපගුණයකින් වැඩි වුණා යැයි කිවහොත් එය නිවැරදි ය. 2007, 2011 යන වසරවල ICC ලෝක කුසලාන අවසාන මහා තරඟය සඳහා වරම් දිනා ගැනීම, 2014 වසරේ දී ICC T 20 ලෝක කුසලානය දිනා ගැනීම, 2002 වසරේ දී ICC ශූරයන්ගේ කුසලානය දිනා ගැනීම, 1986, 1997, 2004, 2008, 2014 යන වසර වල දී ආසියානු කුසලානය දිනා ගැනීම වැනි ජාත්‍යන්තර ජයග්‍රහණ රැසක් සමග ක්‍රිකට් වාර්තා පොත් අලුත් කිරීමට ශ්‍රී ලංකා ක්‍රිකට් කණ්ඩායම සමත් විය. එමෙන් ම ලොවක් මවිත කළ, ලොවේ ම ගෞරවය දිනාගත් ශ්‍රේෂ්ඨ ක්‍රීඩක චරිත ගණනාවක් ශ්‍රී ලංකාව නමැති කුඩා දිවයිනෙන් බිහි වූ අතර, අනාගතයේ දී පවා බිඳලිය නොහැකි වාර්තා ගණනාවක් තම නාමය ඉදිරියේ සනිටුහන් කිරීමට ඔවුන් සමත් වුණු බව දැඩි අභිමානයෙන් පැවසීමට හැකි ය.
දශකයකට ආසන්න කාලයක සිට ශ්‍රී ලංකා ජාතික ක්‍රිකට් කණ්ඩායමේ නිල අනුග්‍රාහකයා ලෙස කටයුතු කරන ඩයලොග් ආසිආටා සමාගම විසින් ශ්‍රී ලංකා ක්‍රිකට් ආයතනය සමග එක්ව මෙවර T 20 ක්‍රිකට් ලෝක කුසලාන තරගාවලිය වෙනුවෙන් ‘අපේ කොල්ලෝ’ නමින් තේමා ගීතයක් නිර්මාණය කෙරිණි. අපේ ක්‍රිකට් ක්‍රීඩාව නිරන්තරයෙන් ම සංගීතය සමග බැඳී තිබෙන බව පැවසුවහොත් නිවැරදි ය. එමෙන් ම අපේ බොහෝ ක්‍රිකට් ජයග්‍රහණ සමරා තිබෙන්නේ ද ගීතයෙනි. එකම ජාතියක්, එකම සහෝදර කැළක් ලෙස මෙ රට සියලුම ජනතාව ඒකාරාශී කිරීමට සමත් වූ ක්‍රිකට් මෙන් ම, මෙම ගීතයත් ජනතාව අතර වඩාත් ජනප්‍රිය වී තිබේ. ‘අපේ කොල්ලෝ’ ගීතය YouTube හි ට්‍රෙන්ඩින් වීම ම මෙ රට තරුණ පරපුර මෙම ගීතය වැළඳගත් බවට හොඳ සාක්ෂියකි.
ශ්‍රී ලංකා ක්‍රිකට් කණ්ඩායමේ මෙන් ම මෙරට ක්‍රීඩා ලෝලීන්ගේ ද සුබවාදී ආකල්ප ඉහළ නැංවීම අරමුණු කරගනිමින් ට්‍රයඩ් ආයතනය විසින් රචනා කළ මෙම ගීතය, ජනප්‍රිය ලාංකීය ගායන ශිල්පීන් මෙන්ම ඩයලොග් සන්නාම තානාපතිවරු වන භාතිය සහ සන්තුෂ්, උමාරියා, යොහානි, සංඛ, සජිත, සනුක, මධුවි සහ ආරාධිත ශිල්පී රෝයි ජැක්සන් එක්ව ගායනා කර ඇත.
‘අපේ කොල්ලෝ’ ගීතය මෙරට විශාල පිරිසක් වැළඳගැනීම, අපේ ක්‍රිකට් ක්‍රීඩකයන්ගේ ජයග්‍රාහී මානසිකත්වය ඉහළ නැංවීමට ඉතා හොඳ උත්තේජනයක් බව පැවසිය යුතු ම කරුණකි. එමෙන් ම අපේකම, එකමුතුකම වර්ධනය කර, එකාවන් ව අපේ කොල්ලන්ට ජය පැතීමට මෙම ගීතය මිල කළ නොහැකි කාර්‍යභාරයක් ඉටු කර යි. මෙම ගීතය වටා විශාල ජනකායක් ඒකරාශී වීම නිසාම ක්‍රීඩකයන් වෙත ඔවුන් තනි වී නොමැති බව ඒත්තු ගැන්වීමට ද හැකි වී තිබේ. මෙලෙස ඩයලොග් දියත් කළ මෙම ව්‍යාපෘතිය ශ්‍රී ලංකා ක්‍රිකට් නැංවීමට මහඟු කාර්‍යභාරයක් ඉටු කරන බව පැවසුවහොත් නිවැරදි ය.
ශ්‍රී ලාංකීය ක්‍රීඩාවේ වග‍ේම ක්‍රීඩක ක්‍රීඩිකාවන්ගේ ද උන්නතිය වෙනුවෙන් සුවිශේෂී කාර්යභාරයක නිරත ඩයලොග් ආයතනය, ශ්‍රී ලාංකීය ක්‍රිකට් බල ගැන්වීමේ දශකයට ආසන්න සබඳතාවය 2023 දක්වා දිගු කර ඇත්තේ ශ්‍රී ලාංකීය ජාතික කණ්ඩායමේ නිල අනුග්‍රාහකයා බවට පත්වෙමිනි. ඩයලොග් සමාගම මෙවර ලෝක කුසලාන ක්‍රිකට් තරගාවලියට සහභාගිවන ශ්‍රී ලංකා ජාතික ක්‍රිකට් කණ්ඩායමට සුබපැතුම් එක් කරන අතරම, සමස්ත ලාංකිකයන් ලෙස අපේ කොල්ලන් හට දිරිය ලබා දීමට සම්ත ක්‍රිකට් ක්‍රීඩා ලෝලී ඔබ සැමට මෙසේ ආරාධනා කර සිටී.
අපේ කොල්ලන්ට දිරිය දෙන්න ඔබත් එක්වන්න : https://dlg.lk/apekollo
පිටපත -PR
