ජනාධිපති හැඳින්වීම සඳහා ‘අතිගරු’ යන වචනය යෙදීම නිල වශයෙන් තහනම් කරන අතරම ජනාධිපති කොඩිය ද අහෝසි කරන බව වැඩබලන ජනාධිපති රනිල් වික්‍රමසිංහ මහතා පවසයි.
රනිල් වික්‍රමසිංහ මහතා මේ බව පැවසුවේ, වැඩ බලන ජනාධිපති ලෙස දිවුරුම් දීමෙන් පසු විශේෂ ප්‍රකාශක් සිදු කරමිනි.
එහිදී වික්‍රමසිංහ මහතා පැවසුවේ ආණ්ඩුක්‍රම ව්‍යවස්ථාව උල්ලංඝනය කිසිදු ක්‍රියාවකට ඉඩ නොතබන බවයි. රටේ අභිවෘද්ධිය වෙනුවෙන් සියලු පාර්ශ්ව එකට එකතුවී වැඩ කළයුතු බවත් ඒ සඳහා සියලු පාර්ශ්වයන් සඳහා ආරාධනා කර සිටින අතර පාර්ලිමේන්තු ප්‍රජාතන්ත්‍රවාදය විනාශ කිරීමට කිසිදු කණ්ඩායමකට කිසිවිටෙක ඉඩ නොදෙන බව හෙතෙම පැවසිය.
ජනාධිපති තේරීමේදී මන්ත්‍රීවරුන්ට බලපෑම් කිරීමේ සූදානමක් වාර්තා වන බැවින් ඔවුන්ගේ ආරක්ෂාව තරකරන බව වික්‍රමසිංහ මහතා පැවසිය.
රටේ නීතිය හා සාමය ස්ථාපනය කිරීමට වහාම පියවර ගන්නා බව ත් තමන් කිසි විටෙකත් ව්‍යවස්ථාවට පිටින් කටයුතු නොකරන බවත් වැඩ බල ජනාධිපතිවරයා සිය ප්‍රකාශය මගින් අවධාරණය කර සිටියේ ය.
ඔහු පාර්ලිමේන්තුවේ සිටින සියලු පක්ෂවලින් ඉල්ලා සිටියේ, වහාම සර්වපාක්ෂික ආණ්ඩුවක් පිහිටුවීම සඳහා පොදු එකඟතාවකට එළඹෙන ලෙසයි.
