ගෝඨාභය රාජපක්ෂ මහතා සිදු කල දේශපාලන වැඩපිළිවෙල නිසා ලොකුම දේශපාලන හානිය සිද්ධ වුණේ රාජපක්ෂ පවුලට බව පාර්ලිමේන්තු මන්ත්‍රී පාඨලී චම්පික රණවක මහතා පවසයි.
එසේම ඉදිරියේදී සර්ව පාක්ෂික ආණ්ඩුවක් පිහිටවන්නේ නැති බවත්, ඒ වෙනුවට ජනාධිපතිවරයා විසින් විවිධ කමිටු ස්ථාපිත කිරීමට සුදානම් වන බව හෙතෙම පැවසිය. ඔහු මාධ්‍ය වෙත මෙසේ අදහස් පල කල සිටියේය ” ඇත්තටම එතුමා ජනාධිපති ධූරයට පත් කරනකොට මේ රටේ අති විශාල මහජනතාවට විශාල බලාපොරොත්තුවක් ඇති කළා. ඔහු ඉතා විශිෂ්ට ගණයේ පරිපාලකයෙක්, විශිෂ්ට ගණයේ දේශප්රේමියෙක් කියලා, ඒ වගේම මේ රටේ දූෂණය, වංචාව, පවුල්වාදය මේ ඔක්කොම නැති කරලා රට සෞභාග්‍යයේ මග ඔස්සේ බොහොම බලගතු දියුණු ජාතියක් බවට පත් කරනවා කියන විශාල පොරොන්දු මත තමයි, විශේෂයෙන්ම තරුණ පරපුරට දීපු බලගතු හීනයක් එක්ක තමයි එතුමා බලයට ආවේ. ඒ හීන ඔක්කොම බොඳ වෙලා ගිහිල්ලා රට බංකොලොත් භාවයට පත් වුනා. ඔහුත් එහි බරපතල වග උත්තර කරුවෙක්. ඉතින් ඔහුව නැවත දේශපාලනයට ගේනවා කියලා කවුරුහරි කියනවා නම් ඒගොල්ලන්ගේ ලොකු වරදක්. ඒ වගේම මම හිතන්නේ නැහැ රාජපක්ෂ පවුල ඒකට ඉඩ දෙයි කියලා. මොකද ගෝඨාභය රාජපක්ෂ මහත්මයාගේ මේ වැඩපිළිවෙල නිසා ලොකුම දේශපාලන හානිය සිද්ධ වුණේ රාජපක්ෂ පවුලට නිසා.”යැයි පාඨලි චම්පික රණවක මහතා පැවසිය.
