ලිට්රෝ ගෑස් මිල අද රාත්‍රීයේ සිට පහතට

ලිට්රෝ ගෑස් මිල අද (4) මධ්‍යම රාත්‍රියේ සිට පහළ දැමීමට එම ආයතනය තීරණය කර තිබෙන බව සභාපති මුදිත පීරිස් මහතා පවසයි.

ඒ මහතා අද (04) පැවැති මාධ්‍ය හමුවක් කැඳවමින් පවසා සිටියේ කිලෝ ග්‍රෑම් 12.5ක ලිට්‍රෝ ගෑස් සිලින්ඩරයක් රුපියල් 204කින් පහත දැමු බවත් එහි නව මිල රුපියල් 2,982ක් වන බවත්ය.

කිලෝග්‍රෑම් 5ක ලිට්‍රෝ ගෑස් සිලින්ඩරයක මිල රුපියල් 83කින් පහත දමා ඇති අතර එහි නව මිල රුපියල් 1,198ක් ලෙසත්, කිලෝග්‍රෑම් 2.3ක ගෑස් සිලින්ඩරයක මිල රුපියල් 37කින් පහත දමා ඇති අතර එහි නව මිල 561ක් ලෙසත් පහළ දැමීමට ලිට්‍රෝ ගෑස් සමාගම තීරණය කර තිබෙන බව සභාපතිවරයා වැඩිදුරටත් දැනුම් දුන්නේය