ජපානයේ ටෝකියෝ අගනුවර කාර්යබහුල වීදියකදී ඇමරිකානු ඩොලර් මිලියන 2.7ක මුදලක් (ශ්රී ලංකා මුදලින් රුපියල් කෝටි 81කට අධික) අඩංගු ගමන් මලු තිදෙනෙකුගෙන් යුත් මංකොල්ලකරුවන් පිරිසක් විසින් කොල්ලකා තිබේ. සංචාරකයින් අතර ජනප්රිය උවෙනෝ (Ueno) දුම්රිය ස්ථානය අසලදී බ්රහස්පතින්දා රාත්රියේ මෙම මංකොල්ලය සිදුව ඇති අතර, මංකොල්ලකරුවන් විසින් මිරිස් කුඩු ප්රහාරයක් (Pepper spray) එල්ල කර අදාළ මුදල් මලු පැහැරගෙන ඇත. ජපන් යෙන් මිලියන 420කට ආසන්න මෙම මුදල් තොගය වාහනයකට පටවමින් සිටි චීන සහ ජපන් ජාතිකයන් පස් දෙනෙකු මෙලෙස කොල්ලකෑමට ලක්ව ඇති බව මාධ්ය වාර්තා කරයි.
මෙම සිද්ධියට අමතරව සිකුරාදා අලුයම ටෝකියෝවේ හැනෙඩා (Haneda) ගුවන් තොටුපළේ රථගාලකදී යෙන් මිලියන 190ක (රුපියල් කෝටි 36කට අධික) මුදලක් රැගෙන ගිය පුද්ගලයෙකුට ද මෙලෙසම මිරිස් කුඩු ප්රහාරයක් එල්ල කර මංකොල්ලකෑමට උත්සාහ කර තිබේ. මෙම මංකොල්ලකෑම් දෙක අතර සම්බන්ධයක් පවතින්නේ ද යන්න පිළිබඳව ජපන් පොලිසිය පුළුල් විමර්ශනයක් ආරම්භ කර ඇති අතර, විදේශ විනිමය හුවමාරු මධ්යස්ථාන වෙත ප්රවාහනය කරමින් තිබූ මුදල් මෙලෙස කොල්ලකෑමට ලක්ව ඇති බව අනාවරණය වී ඇත.
– කොල්ලකන ලද මුදලේ වටිනාකම (ආසන්න වශයෙන්):
ඇමරිකානු ඩොලර්: මිලියන 2.7
– ජපන් යෙන්: මිලියන 420
– ශ්රී ලංකා රුපියල්: කෝටි 81 (රුපියල් මිලියන 810ක් පමණ)
