අනුරාධපුර – පුත්තලම මාර්ගයේ ගල්කුලම ප්රදේශයේදී අද (01) අලුයම සිදු වූ දරුණු රිය අනතුරකින් පුද්ගලයන් පස් දෙනෙකු තුවාල ලබා අනුරාධපුර ශික්ෂණ රෝහලට ඇතුළත් කර තිබේ. අනුරාධපුර නගරයේ පැවති සංගීත ප්රසංගයක් නරඹා යළි පැමිණෙමින් සිටි තරුණයන් පිරිසක් රැගත් මෝටර් රථයක් සහ කැලණිය ප්රදේශයේ සිට අනුරාධපුර වන්දනාවේ යමින් සිටි පවුලක පිරිසක් රැගත් මෝටර් රථයක් මෙලෙස මුහුණට මුහුණ ගැටී ඇත.
තිරප්පනේ පොලිසිය සිදු කළ මූලික විමර්ශනවලදී හෙළි වී ඇත්තේ, අනුරාධපුර සිට පැමිණි මෝටර් රථය වංගුවක් සහිත ස්ථානයකදී අධික වේගය හේතුවෙන් පාලනය කර ගත නොහැකිව ප්රතිවිරුද්ධ දිශාවෙන් පැමිණි රථයේ ගැටී ඇති බවයි. අනතුරින් මෝටර් රථ දෙකටම බරපතල හානි සිදුව ඇති අතර, තුවාල ලැබූවන් අතර තරුණයන් සිව්දෙනෙකු සහ වන්දනා නඩයේ සිටි එක් අයෙකු වන බව වාර්තා වේ. තිරප්පනේ පොලිසිය සිද්ධිය සම්බන්ධයෙන් වැඩිදුර පරීක්ෂණ මෙහෙයවනු ලබයි.
