ජාත්යන්තර මූල්ය අරමුදලේ (IMF) කළමනාකාර අධ්යක්ෂිකා ක්රිස්ටලීනා ජෝර්ජියේවා මහත්මිය සහ අග්රාමාත්ය ආචාර්ය හරිනි අමරසූරිය මහත්මිය අතර නිල හමුවක් ඊයේ (17) පස්වරුවේ කොළඹ අරලියගහ මන්දිරයේදී පැවැත්විණි. ශ්රී ලංකාවේ වත්මන් ආර්ථික ස්ථාවරත්වය පවත්වාගෙන යාමට රජය ගෙන ඇති ක්රියාමාර්ග පිළිබඳව මෙහිදී ජෝර්ජියේවා මහත්මිය සිය ප්රසාදය පළ කර ඇති අතර, විශේෂයෙන්ම මෑතකදී ඇති වූ ස්වභාවික විපත් හමුවේ ආර්ථික අභියෝග කළමනාකරණය කරන ආකාරය පිළිබඳව ද දෙපාර්ශවයේ අවධානය යොමු විය.
මෙම සංචාරයට සමගාමීව ඇය ශ්රී ලංකා මහ බැංකුවේ අධිපති ආචාර්ය නන්දලාල් වීරසිංහ මහතා ද හමු විය. එහිදී විස්තීර්ණ අරමුදල් පහසුකම (EFF) යටතේ මෙරටට ලැබෙන අඛණ්ඩ සහයෝගය සහ ණය ප්රතිව්යුහගත කිරීමේ ක්රියාවලිය සාර්ථකව අවසන් කිරීමට ජාත්යන්තර මූල්ය අරමුදල දැක්වූ දායකත්වය පිළිබඳව මහ බැංකු අධිපතිවරයා සිය ස්තුතිය පුද කළේය.
ජාත්යන්තර මූල්ය අරමුදලේ ඉහළම නිලධාරිනියක මෙලෙස මෙරටට පැමිණ රජයේ ප්රධානීන් හමුවීම, ශ්රී ලංකාවේ ඉදිරි මූල්ය ප්රතිසංස්කරණ සහ ජාත්යන්තර ආයෝජන විශ්වාසය තහවුරු කිරීමට මහෝපකාරී වනු ඇතැයි ආර්ථික විද්යාඥයෝ පෙන්වා දෙති. ඇය අද දිනයේදී ජනාධිපති අනුර කුමාර දිසානායක මහතා ද හමුවී ශ්රී ලංකාවේ මීළඟ ආර්ථික ඉලක්ක පිළිබඳව සාකච්ඡා කිරීමට නියමිතව ඇත.
