ඉන්දියාවේ පැවැත්වෙන RAISINA සංවාදයට (Raisina Dialogue) සමගාමීව විදේශ කටයුතු අමාත්ය විජිත හේරත් මහතා සහ ඉන්දියාවේ ප්රමුඛතම පර්යේෂණ ආයතනයක් වන Observer Research Foundation (ORF) හි සභාපති සන්ජෝයි ජෝෂි (Sunjoy Joshi) මහතා අතර විශේෂ සම්මුඛ සාකච්ඡාවක් පවත්වා තිබේ. එහිදී අමාත්යවරයා පෙන්වා දුන්නේ දූෂණයෙන් තොර නව පාලනයක් බිහි වීම හේතුවෙන් ශ්රී ලංකාව ජාත්යන්තර වෙළඳ මධ්යස්ථානයක් බවට පත්වන බවයි. විශේෂයෙන්ම පහසු බදු ක්රමයක් හඳුන්වා දීම, කටයුතු කඩිනම් කිරීමේ තනි කවුළු (Single Window) ක්රමය සහ නව ආයෝජන ආරක්ෂණ පනත් කෙටුම්පත වැනි ක්රියාමාර්ග හරහා දේශීය හා විදේශීය ආයෝජකයන්ට නිදහස්ව සහ සාධාරණ අන්දමින් ආයෝජනය කළ හැකි සුරක්ෂිත පරිසරයක් නිර්මාණය වී ඇති බව ද හෙතෙම අවධාරණය කළේය. මෙම නව ප්රතිසංස්කරණ මඟින් ශ්රී ලංකාව කෙරෙහි ජාත්යන්තර විශ්වාසය තවදුරටත් තහවුරු වන බව අමාත්ය විජිත හේරත් මහතා මෙම සාකච්ඡාවේදී වැඩිදුරටත් ප්රකාශ කර ඇත.
