ශ්රී ලංකා මහා බැංකුවේ මූල්ය බුද්ධි ඒකකය (FIU) විසින් නිකුත් කරන ලද 2024/25 ජාතික අවදානම් තක්සේරුවට (NRA) අනුව මෙරට මුදල් විශුද්ධිකරණය සම්බන්ධයෙන් පවතින ප්රබලතම තර්ජනය මත්ද්රව්ය ජාවාරම බව තහවුරු වී තිබේ. රජයේ ආයතන 86ක සහ විද්වතුන් 200කගේ දායකත්වයෙන් සිදුකළ මෙම තක්සේරුවට අනුව මත්ද්රව්ය ජාවාරම හරහා සිදුවන මුදල් විශුද්ධිකරණ තර්ජනය මීට පෙර පැවති මධ්යම-ඉහළ මට්ටමේ සිට ඉහළ (High) මට්ටම දක්වා වර්ධනය වී ඇති බව සඳහන් වේ. මුදල් විශුද්ධිකරණයට අමතරව ත්රස්තවාදයට අරමුදල් සැපයීමේ අවදානම ද මධ්යම-ඉහළ මට්ටම දක්වා ඉහළ ගොස් ඇති අතර අන්තවාදී සහ බෙදුම්වාදී ජාලයන්ගෙන් එල්ල වන තර්ජන මෙන්ම ඩිජිටල් රැඩිකල්කරණය සහ අවිධිමත් මූල්ය මාර්ග භාවිතය මෙයට ප්රධාන හේතු ලෙස හඳුනාගෙන තිබේ.
කෙසේ වෙතත් මෙරට අල්ලස් සහ දූෂණය සම්බන්ධ තර්ජනය මධ්යම-ඉහළ මට්ටමේ සිට මධ්යම (Medium) මට්ටම දක්වා පහත වැටී ඇති අතර දූෂණ සංජානන දර්ශකයේ (CPI) ශ්රී ලංකාව ලබාගත් ලකුණු ප්රමාණය 32 සිට 35 දක්වා ඉහළ යාම මෙහි විශේෂත්වයකි. මෙම වාර්තාව මගින් හඳුනාගත් තර්ජන මැඩලීම සඳහා ප්රධාන නිර්දේශ 15ක් ඉදිරිපත් කර ඇති අතර ඒ අනුව 2026-2030 කාලසීමාව සඳහා වන නව ජාතික ප්රතිපත්තිය යාවත්කාලීන කිරීමට නියමිතය. විශේෂයෙන්ම බැංකු සහ මූල්ය නොවන ව්යාපාරික අංශ (DNFBP) සිය ආයතනික අවදානම් තක්සේරුවලදී මෙම නව සොයාගැනීම් සැලකිල්ලට ගත යුතු බව මූල්ය බුද්ධි ඒකකය අවධාරණය කරයි. මීට අමතරව සමූලඝාතක අවි ව්යාප්තියට අරමුදල් සැපයීම (PF) පිළිබඳ පළමු ජාතික තක්සේරුව ද මෙවර සිදුකර ඇති අතර එහි අවදානම මධ්යම මට්ටමේ පවතින බව සඳහන් වේ.
