අමෙරිකා එක්සත් ජනපදයට අයත් F-18 වර්ගයේ ප්රහාරක යානයකට තමන් සාර්ථකව ප්රහාර එල්ල කළ බව ඉරාන විප්ලවීය ආරක්ෂක බලකාය (IRGC) ඊයේ (2026 මාර්තු 25) ප්රකාශ කළේය. ඉරානයේ ‘Press TV’ නාලිකාව මෙම ප්රහාරයට අදාළ බව කියන වීඩියෝ දර්ශන පවා සමාජ මාධ්ය වෙත මුදාහැර තිබේ. කෙසේ වෙතත් එම වීඩියෝ දර්ශනවල සත්යතාව මෙතෙක් ස්වාධීන පාර්ශවයන් විසින් තහවුරු කර නොමැති අතර ඉරානය පවසන්නේ තම ගුවන් සීමාව ආසන්නයේදී මෙම මෙහෙයුම සිදු කළ බවයි.
ඉරානයේ මෙම ප්රකාශය අමෙරිකානු මධ්යම අණදෙන මූලස්ථානය (US Central Command) විසින් වහාම ප්රතික්ෂේප කරනු ලැබීය. තමන්ට අයත් කිසිදු ප්රහාරක යානයක් ඉරානය විසින් බිම හෙළා නොමැති බවත් එවැනි සිදුවීමක් පිළිබඳව කිසිදු තොරතුරක් වාර්තා වී නොමැති බවත් අමෙරිකානු බලධාරීහු අවධාරණය කරති. මැදපෙරදිග කලාපයේ පවතින දැඩි යුදමය උණුසුම හමුවේ දෙපාර්ශවයම මෙවැනි ප්රකාශ නිකුත් කිරීම සාමාන්ය තත්ත්වයක් බවට පත්ව ඇතත් මෙවැනි සිදුවීම් හරහා ගැටුම තවදුරටත් උත්සන්න විය හැකි බව විචාරකයෝ පෙන්වා දෙති.
මෙම සිදුවීමත් සමඟ පර්සියානු ගල්ෆ් කලාපයේ අමෙරිකානු ගුවන් මෙහෙයුම් තවදුරටත් දැඩි කර ඇති බව වාර්තා වේ. ඉරානය විසින් නිකුත් කළ වීඩියෝව ව්යාජ එකක් බවට අමෙරිකාව චෝදනා කරන අතර කලාපයේ පවතින සැබෑ තත්ත්වය පිළිබඳව ලෝක අවධානය යොමු වී තිබේ. ඉදිරි පැය කිහිපය තුළ මෙම සිදුවීම සම්බන්ධයෙන් අමෙරිකානු ආරක්ෂක දෙපාර්තමේන්තුව විසින් වඩාත් සවිස්තරාත්මක නිවේදනයක් නිකුත් කරනු ඇතැයි අපේක්ෂා කෙරේ.
