ඉරානය සමඟ පවතින සන්නද්ධ ගැටුම විස්තර කිරීම සඳහා “යුද්ධය” (War) යන වචනය භාවිතා කිරීම තමන් හිතාමතාම මඟහරින බව ඇමරිකානු ජනාධිපති ඩොනල්ඩ් ට්රම්ප් ප්රකාශ කර තිබේ. ඊයේ (2026 මාර්තු 25) වොෂින්ටන් නුවර පැවැති රිපබ්ලිකන් පක්ෂයේ වාර්ෂික අරමුදල් රැස් කිරීමේ රාත්රී භෝජන සංග්රහයට එක්වෙමින් ඔහු මෙම ආන්දෝලනාත්මක අදහස් පළ කළේය. ජනාධිපතිවරයාගේ මෙම ප්රකාශයත් සමඟ විපක්ෂ ඩිමොක්රටික් පාර්ශවයෙන් සහ දේශපාලන විචාරකයින්ගෙන් දැඩි විරෝධයක් එල්ල වෙමින් පවතී.
ඇමරිකානු ව්යවස්ථාවට අනුව යුද්ධයක් ප්රකාශ කිරීමේ බලය ඇත්තේ කොංග්රස් මණ්ඩලයට පමණක් වන අතර, ජනාධිපතිවරයාට ඒ සඳහා පූර්ව අනුමැතිය අවශ්ය වේ. ට්රම්ප් පවසන්නේ තමන් එම වචනය භාවිතා නොකරන්නේ ඒ සඳහා අවශ්ය “අනුමැතිය” (Approval) තමන් සතුව නොමැති බැවින් බවයි. ඒ වෙනුවට ඔහු මෙය හඳුන්වන්නේ “හමුදාමය මෙහෙයුමක්” (Military operation) හෝ “හමුදාමය විනාශ කිරීමක්” (Military decimation) ලෙසයි. පවතින තත්ත්වය යුද්ධයක් ලෙස හැඳින්වීම නීතිමය වශයෙන් තමන්ට බාධාවක් විය හැකි බව ජනාධිපතිවරයා එහිදී ඉඟි කළේය.
මෙම ප්රකාශය “සම්පූර්ණ අසාර්ථක වීමක්” (Colossal failure) ලෙස හඳුන්වමින් ඩිමොක්රටික් පාර්ශවය චෝදනා කරන්නේ, කොංග්රස් මණ්ඩලයේ අනුමැතියකින් තොරව ජනාධිපතිවරයා හිතාමතාම රට මහා පරිමාණ යුද්ධයක් කරා ගෙන යන බවයි. කෙසේ වෙතත්, ජනාධිපතිවරයාගේ හමුදාමය ක්රියාමාර්ග පාලනය කිරීම සඳහා ඩිමොක්රටික් පක්ෂය පසුගිය අඟහරුවාදා (මාර්තු 24) සෙනෙට් මණ්ඩලයට ඉදිරිපත් කළ යෝජනාව පරාජයට පත් විය. ඉරානය සමඟ සටන් විරාමයකට එළඹීමට ඇමරිකාව ගත් උත්සාහයන් මෙතෙක් සාර්ථක වී නොමැති අතර, තත්ත්වය තවදුරටත් සංකීර්ණ වෙමින් පවතී.
